Matius 11:18 - Alkitab Duri

¹⁸ Battuananna: ratumo to Nabi Yahya, napuasa na te'da naiso' anggoro', nakua ora tau kumua, ‘Natamaii setang.’

Matius 11:18 ပူးပေါင်းရင်းမြစ်များ

Matius 10:25

Ganna'mi ke passikola pada gurunna, na kaunan pada puangna. Ia ke nasangana' tau Beelzebul, puanggawana setang, apa pole'pi kamu' to tonturu'na' la'bih-la'bih la gaja' sangammi.”

Matius 11:17

‘Kipassulinganmo kamu', apa cia' kamu' menari'. Mpakkelonganmokan kelong kamasussan, na te'da mimbating.’

Matius 3:4

Ia to bajunna Nabi Yahya bulu unta na saripinna balulang digaraga. Na ia to kandena batik sola canik pangngala.

Matius 9:34

Apa nakua to to-Farisi, “Kuasanna puanggawana setang napake nnula'i setang.”

Markus 3:22

Ia to guru agama to ratu jao mai kota Yerusalem mangkada nakua, “Natamaimi Beelzebul, ba'tu puanggawana setang! Jaji kuasanna puanggawana setang napake nnula'i setang.”

Lukas 1:15

Ia joo pea, la mala'bih situru' pengkitan-Na Puang Allataala, na te'da nalamangngiso' anggoro' ba'tu nniso' to makarrahna. Mangpamula nakeba'tangan indona nakuasai tarruhhi Roh Allataala.

Yahya 10:20

Budai to kumua, “Natamaii setang na mamemi. Ammipesa'dingngi ori kamu'?”

Yahya 7:20

Mebalimi to tobuda nakua, “Ah, tonatamaiki' setang! Indara la mbunoki'?”

Yahya 8:48

Mebalimi to to-Yahudi nakua, “To-Samariaki'. Natamaiki' setang.”

Yahya 8:52

Nakua to to-Yahudi ngkuan Puang Isa, “Oh, kiissenmi tee too kumua natamai tonganmiki' setang, nasaba' mangkami mate Nabi Ibrahim, mate toomi to sininna nabi, antakumua, ‘Ia to tonturu' kadang-Ku', te'da tarruhmo nalasikita kamatean.’

Jamanna Rasulu' 26:24

Ia tonna da'tan unapa Paulus mangkada mpau pebalinna, kumassakmi Gubernur Festus, nakua, “Ee, Paulus! Totangmalilinganko iko tuu. Liwa' buda paissenmu, na iamo mpatangmalilinganko.”

1 Korintus 9:27

Kupengkulle-kullei tongan ngkuasai kaleku', sanga iamo ke aku'mo to mpangpeissenan Kareba Kasalamatan na aku' pole' ora tangdipasalama'.