Matius 11:11 - Alkitab Duri

¹¹ Nakuapa Puang Isa, “La miingaran tee kadang-Ku' kumua, lan tee lino te'da tau la'bih mala'bih na Nabi Yahya, apa moi nasusi joo ia to tokaminang majiong jio mai umma'-Na Puang Allataala la'bih mala'bihpa ia na Nabi Yahya.

Matius 11:11 ပူးပေါင်းရင်းမြစ်များ

Matius 11:10

Nasaba' Nabi Yahyamo to mpasadia tau la ntarimana'. Susi to diuki' lan Sura' Allataala mpau Nabi Yahya kumua: Mangkadai Puang Allataala, ‘Iamo tee pesuang-Ku', to kusua la njoloanko, anna pemakassingngii to lalan la muola.’ ”

Matius 11:12

Sipamulanna Nabi Yahya mangngajahhi ratu lako too allo, buda tau nnewamo kaparentan-Na Puang Allataala madoang la rampa kuasan-Na.

Matius 3:1

Ba'tu pirang-pirang pulo taunna den mesa' nabi disanga Yahya mpamula jamanna, namale lako tangnga padang pallawangan jio tana Yudea. Namangngajahhi nakua,

Matius 3:11

Kujio' kamu' wai, nasaba' mengkatoba'mo kamu' jio mai dosami. Apa den tau la ratu ke mangkana' la njio' kamu' Roh Allataala na den too kamu' dijio' api pangcalla. La'bih makuasa Ia na aku'. Moi mbawa sapatun-Na te'da too kusipato'.

Matius 5:19

Iamo joo ia to tote'da napesa'dingngii to parenta-Na Puang Allataala, moiraka to nasanga tangparallu, napangpangngajaran tooi susi joo, la direken tokaminang majiong jio mai umma'-Na Puang Allataala. Na sibalikanna, ia to tompesa'dingngii, napangpangngajaranni lako tolaen, la direken tokaminang mala'bih jio mai umma'-Na Puang Allataala.

Lukas 1:15

Ia joo pea, la mala'bih situru' pengkitan-Na Puang Allataala, na te'da nalamangngiso' anggoro' ba'tu nniso' to makarrahna. Mangpamula nakeba'tangan indona nakuasai tarruhhi Roh Allataala.

Lukas 7:28

Nakuapa Puang Isa, “Ingaranni, lan tee lino te'da tau la'bih mala'bih na Nabi Yahya, apa moi nasusi joo, ia to tokaminang majiong jio mai umma'-Na Puang Allataala, la'bih mala'bihpa ia na Nabi Yahya.”

Lukas 9:48

Mangkadami lako anak gurun-Na nakua, “Ia to tontarima pea to susi tee, sanga kamatapparanna lako Aku', pada bang unamo to Aku' natarima. Na ia to tontarimana', natarima toomo to Puang Allataala to ssuana'. Nasaba' ia to tossanga kalena kaminang biccu' jio tangnga-tangngami, iamo kaminang matonggo!”

Yahya 1:15

Ratui Nabi Yahya mpangpeissenanni joo Kada nakua, “Iamo joo to kupau kumua, ‘La den tau ratu ke mangkana', apa la'bih makuasa Ia na aku', nasaba' te'dapa kudijajian na den memanmi Ia.’ ”

Yahya 1:27

Iamo ratu ke mangkana'. Apa moi mbukai ulang sapatun-Na te'da too kusipato'.”

Yahya 10:41

Ratu omi to tobuda lako Puang Isa. Nakua, “Te'da napugauk tanda mejangngaran Nabi Yahya, apa tongan ngasan to napau mpaui tee tau.”

Yahya 3:30

Sipato' Ia la samajao-jaona, na aku' la samajiong-jiongna.”

Yahya 5:35

Ia to Nabi Yahya susi palita dukku mangngarrang. Na ia joo kadanna susi arrang, apa cingga'tu'ra kamu' masannang ntarimai.

Yahya 7:39

(Ia to nasanga wai katuoan, iamo to Roh Allataala, to la natarima tomatappa' lako kale-Na. Ia joo wattu ia to Roh Allataala te'dapa nadipangben, nasaba' te'dapa nadiangka' to Puang Isa de' suruga.)

1 Korintus 15:9

Aku'mo rasulu'-Na Puang to kaminang majiongna. Tangsipato'na' disanga rasulu', nasaba' gaja budamo tomatappa' lako Puang Isa kusessa.

1 Korintus 6:4

Na ia ke denni kara-karami, ciapari mimalera mpangngoloi lako to tote'da namatappa'?

Efesus 2:3

Ia joo wattu susimiki' tuu lako tau sola ngasan. Nturu' bangki' kamadoangan penawanta', antapugauk bangngi to gaja'na la mpesannangngi penawanta'. Iamo joo sipato' kumua nakagalliki' Puang Allataala anna la mpabalahhiki' susi tolaen.

Efesus 3:8

Aku'mo mase-masena to sininna umma'-Na Puang Allataala, apa napabarakkannina' Puang Allataala tee jaman mpangpeissenan Kareba Kasalamatan lako bangsa tangngia to-Yahudi kumua ia to barakka'-Na Almaseh te'da susinna.

2 Timotius 1:10

Na ia tee too mentolinomi to Puang Isa Almaseh, Tomangpasalama'ta', napakitan tonganmiki' to kameloan penawan-Na Puang. Iamo mangka ntaloi kuasa kamatean, anna pamanassai lako kita' to katuoan melo te'da cappa'na, ke ngkatappa'iki' Kareba Kasalamatan.

Ibrani 11:40

sanga naakkattai Puang Allataala kumua kita'ra to ntarimai. Iamo joo solapiki' to tau susi joo, namane' nnampa'i to barakka' te'da kakuranganna.

1 Petrus 1:10

Ia joo kasalamatan napesa' tongan tuu lako nabi tonna anu', napau joloi joo barakka' to nabenmo kamu' Puang Allataala.