Matius 11:1 - Alkitab Duri

¹ Ia tonna mangkamo Puang Isa nnajahhi sangpulo dua anak gurun-Na, mpatarruh pole'mi kalingkan-Na male lako kampong to nasiandaran mpangpeissenan Kareba Kasalamatan.

Matius 11:1 ပူးပေါင်းရင်းမြစ်များ

Matius 28:20

Ajahhii anna pugaukki sininna to apa mangka kuparentan kamu'! Ingaranni kumua, la kusolan tarruh kamu' ratu lako tampakkana lino.”

Matius 4:23

Male bangmi to Puang Isa mpasitarruh-tarruh kampong jio tana Galilea, namangngajahhi lan bola passambajangan, mpangpeissenan Kareba Kasalamatan kumua la ratumi Puang Allataala mangparenta susi Raja, na mpamalagah mangrupa-rupa sakinna tau.

Matius 7:28

Ia tonna mangka ngasanmo napangpangngajaran Puang Isa joo, sijangngaranmi to tobuda ssa'ding pangngajaran-Na,

Matius 9:35

Mangkai joo too, malemi Puang Isa llelei kota sola kampong napasitarruh-tarruhhi. Mangngajahhimi lan bola passambajangan, mpangpeissenan Kareba Kasalamatan kumua la ratumi Puang Allataala mangparenta susi Raja, na mpamalagah tau to mangrupa-rupa sakinna.

Markus 6:12

Mangkai joo too, malemi to sangpulo dua anak gurun-Na, mpangpeissenanni kumua parallu to sininna tau mengkatoba' jio mai dosana.

Lukas 23:5

Apa ia tuu lako tau la'bih napattantui kumua, “Mpatuju sala tau la nnewa tomangparenta lan lili'na Yudea mellao jio mai Galilea, na ratu toomi ntee.”

Lukas 8:1

Mangkai joo too, malemi Puang Isa llelei buda kota sola kampong mpangpeissenan Kareba Kasalamatan kumua la ratumi Puang Allataala mangparenta susi Raja. Ia to sangpulo dua anak gurun-Na undi nturu'i.

Yahya 15:10

Ia ke mituru'i to pakkaeloran-Ku', la da'tanna' mpakamoja' kamu', susi Ambe' da'tan mpakamoja'na', sanga nturu'na' pakkaeloran-Na.

Yahya 15:14

Kusangamo kamu' soba'-Ku', ke mipugaukki to kuparentan kamu'.

Jamanna Rasulu' 1:2

ratu lako kadiangkasanna de' suruga. Ia tonna tuo pole'mo jio mai kamatean, patang pulopa allona nanii pempiran-piran mpangpekitan kalena lako rasulu', na budapa to tanda mpamanassai kumua tuo pole' tonganmi. Ia joo wattu pangpatujun-Na Roh Allataala anna ajahhii to rasulu' mangka napilei. Naajahhi matumbai to akkatta-Na Puang Allataala la mpasalama' na mparenta taun-Na susi Raja.

Jamanna Rasulu' 10:38

Miissenmo kumua ia joo Puang Isa to-Nazaret mangkamo napilei Puang Allataala, naben tooi Roh Allataala sola kuasa. Miissen toomo kumua tuli malei mpugauk kameloan umbo-umbo nanii, na nnula'i setang lan mai kalena tonatamai, nasaba' Puang Allataala ssolanni.

Jamanna Rasulu' 10:42

Na Iamo ssuakan mpangpeissenan Kareba Kasalamatan lako tau kumua Iamo naangka' Puang Allataala menjaji tomangra'tah kara-kara lako tolino, la ia totuo unapa, la ia tomatenamo.

1 Tesalonika 4:2

Nasaba' miissenmo to parenta-Na Puang Isa to mangkamo kiajaran kamu'.

2 Tesalonika 3:10

Ia tontasola unapa, kipauan kamu' tee parenta kumua, ia to tocia' mangjama danggi'mo ia nakumande.

2 Tesalonika 3:6

Ee, tomala'bihku' sola ngasan! Nakita Puang Isa Almaseh, angkipangngingaran kamu' danggi' misiama' bang tuu mati' padanta' tomatappa' to makuttu mangjama, sola to te'da natarimai to apa mangka kipangpangngajaran.