Matius 10:5 - Alkitab Duri

⁵ Nasuami Puang Isa joo sangpulo dua anak gurun-Na, napasanni kumua, “Danggi' mimale lako bangsa tangngia to-Yahudi, moi lako to-Samaria.

Matius 10:5 ပူးပေါင်းရင်းမြစ်များ

Matius 22:3

Ia tonna la mangpabottingmo, nasuami to kaunanna male ntambaii to tomangka dipauan la ratu lako joo pangmaroasan. Apa ia joo todipauan te'da bangngi madoang ratu.

Matius 4:15

“Tanana pangrapuanna Zebulon sola pangrapuanna Naftali, diola lako tasik, sambali'na Sa'dan Yordan, tana Galilea, buda natorroi bangsa tangngia to-Yahudi.

Markus 6:7

Natambaimi to sangpulo dua anak gurun-Na sirempun, nabenni kuasa nnula'i setang, namane' ssuai male sidua-dua,

Lukas 10:1

Mangkai joo too napilei omi Puang Isa to pitung pulo tau laen to nturu'i, nasuai male sidua-dua njoloanni lako sininna kota sola kampong to la napangngujui.

Lukas 10:33

Apa denni to-Samaria, to mambela lalan, nnola ntuu toda jio. Ia tonna kitai joo todirampo', massemi penawanna.

Lukas 17:16

Ia tonna ratumo lako Puang Isa suju'i jiong to' aje-Na mangkurru sumanga'. To-Samaria joo tau.

Lukas 9:1

Natambaimi Puang Isa to sangpulo dua anak gurun-Na sirempun, nabenni kuasa nnula'i setang, na mpamalagah tomasaki.

Lukas 9:2

Nasuami sola ngasan male mpangpeissenanni kumua la ratumi Puang Allataala mangparenta susi Raja, nasua tooi male mpamalagah tomasaki.

Yahya 17:18

Susi Ambe' mangkamo ssuana' tama lino, susi toomi Aku' mangkamo ssuai tuu lako taun-Ta' male lako padanna rupa tau.

Yahya 20:21

Nadadu' pole'i Puang Isa mangkada nakua, “Salama' kamu', mimasannang. Susi Ambe' ssuana', susi toomi Aku' ssua kamu'.”

Yahya 4:20

Ia to tojoloki' ssompa Puang Allataala jao ntee buntu, apa mikua kamu' to to-Yahudi jaori kota Yerusalem to nanii tau massompa.”

Yahya 4:5

Agi-agi tatte' sangpulo dua ratumi lako mesa' kota jio tana Samaria disanga Sikhar, siandah padangna Yakub to mangkamo natawan anakkana tonna anu' to disanga Yusuf. Den bubunna Yakub jio. Gaja bo'jo'i Puang Isa lumingka tangnga allo nacumadokko jio sa'dena joo bubun.

Yahya 4:9

Jangngahhi joo baine, sanga to-Yahudi na to-Samaria te'da nasisumuan. Iamo joo nakua kumua, “Oo, na to-Yahudiki', na to-Samariana', antapeta'daina' wai diiso'.”

Yahya 7:35

Sipangkada-kadai joo pekaamberan to-Yahudi nakua, “La male umborika ia tee tau, nate'damo tawa'ding ssitammuanni? La malerika lako to-Yahudi to torro jio tangnga-tangngana to-Yunani naajahhi to to-Yunani jio?

Yahya 8:48

Mebalimi to to-Yahudi nakua, “To-Samariaki'. Natamaiki' setang.”

Jamanna Rasulu' 1:8

Apa la diben kamu' kuasa ke diparatuimo kamu' Roh Allataala, ammilampangpeissenanna' la jio kota Yerusalem, la lan lili'na tana Yudea na Samaria, ratu lako randan langi'.”

Jamanna Rasulu' 10:45

Jangngah ngasanmi to to-Yahudi to matappa'mo lako Puang Isa nasiturusan Petrus jio mai kota Yope, ngkitai to bangsa tangngia to-Yahudi diben too Roh Allataala.

Jamanna Rasulu' 8:1

Napusannang Saulus joo kadibunoanna Stefanus. Ia bang unamo joo allo namangpamula dipakario-rio to jamaa jio kota Yerusalem, anna sininna tomatappa' saleananna rasulu' sisarak-sarak male lako lili'na tana Yudea na tana Samaria.

1 Tesalonika 2:16

Kannori naanggaikan mpangpeissenan karebanna Puang Isa lako bangsa tangngia to-Yahudi anna wa'ding dipasalama'. Susimi joo sakerangngan-rangnganna to dosana takkaliwa'mo budanna. Na katampakanna la nasessai Puang Allataala.