Matius 10:40 - Alkitab Duri

⁴⁰ Mpatarruhpa kadan-Na Puang Isa nakua, “Ia to tontarima kamu', padamo to Aku' natarima. Na ia to tontarimana', padamo to ntarima Puang Allataala to ssuana'.

Matius 10:40 ပူးပေါင်းရင်းမြစ်များ

Matius 18:5

Ia to tontarima pea to susi tee, sanga kamatapparanna lako Aku', pada bang unamo to Aku' natarima.”

Matius 25:40

La mebalina' kukua, ‘Sitonganna kukuan kamu' kumua, ia to mipugauk lako tee mai to kupusile'to, moi namakario-rio, battuananna mipugauk lako too Aku'.’

Matius 25:45

La mebalina' kukua, ‘Sitonganna kukuan kamu' kumua, ia to te'da mipugaukki lako tee mai to kupusile'to, moi namakario-rio, battuananna te'da mipugaukki lako kale-Ku'.’

Markus 9:37

“Ia to tontarima pea to susi tee, sanga kamatapparanna lako Aku', pada bang unamo to Aku' natarima. Na ia to tontarimana', tangngia Aku' manda natarima, apa natarima toomo to Puang Allataala to ssuana'.”

Lukas 10:16

Nakuamo Puang Isa lako tonturu'i, “Ia to tau mpesa'dingngi kamu', padamo to Aku' napesa'dingngi. Ia to tote'da natarima kamu', padamo to Aku' te'da natarimai. Na ia to totangntarimana', padamo to Puang Allataalara, to ssuana', te'da natarimai.”

Lukas 9:48

Mangkadami lako anak gurun-Na nakua, “Ia to tontarima pea to susi tee, sanga kamatapparanna lako Aku', pada bang unamo to Aku' natarima. Na ia to tontarimana', natarima toomo to Puang Allataala to ssuana'. Nasaba' ia to tossanga kalena kaminang biccu' jio tangnga-tangngami, iamo kaminang matonggo!”

Yahya 13:20

La miingaran tee kadang-Ku' kumua, ia tontarimai to tokusua, iamo to ntarimana'. Na ia tontarimana', ia toomo ntarimai to tossuana'.”

Yahya 20:21

Nadadu' pole'i Puang Isa mangkada nakua, “Salama' kamu', mimasannang. Susi Ambe' ssuana', susi toomi Aku' ssua kamu'.”

Yahya 5:23

Napugaukki Ambe' susi joo, nakua nakasiri'na' sininna tau, susi tau ngkasiri' Ambe'-Ku'. Ia to tocia' ngkasiri'na', te'da toda nakasiri'i Ambe'-Ku' to ssuana'.

2 Korintus 5:20

Jaji, topesuannakan Almaseh. Nasuakan Puang Allataala mparatuan kamu' pepasan-Na. Nasuakan Almaseh meta'da lako kalemi, “Pemaringngannii penawammi, ammisikalino pole' Puang Allataala.”

Galatia 4:14

Moi kususi joo, te'da mikita majiongna', te'da too mikako'dosanna', moi nasitonganna ia to sakingku' menjaji pecoba lako kalemi. Apa sibalikanna, mangkamo' mitarima butung to malaeka'-Na Puang Allataala, ba'tu butung to Puang Isa Almaseh.

2 Yahya 1:9

Ia to tocia' ngkatappa'i pangngajaran-Na Almaseh apa nakabudairi to pangngajaran laen, te'da ia namesa' penawa sola Puang Allataala. Apa ia to toda'tan nturu' pangngajaran-Na Almaseh, mesa' penawa ia sola Ambe' na Anak.