Matius 10:32 - Alkitab Duri

³² Mpatarruhpa kadan-Na Puang Isa nakua, “Ia to tonnakuina' jio olona tobuda kumua tomenturu'i lako kale-Ku', la kuakui todai jio olo-Na Ambe'-Ku' jao suruga.

Matius 10:32 ပူးပေါင်းရင်းမြစ်များ

Matius 25:34

Mangkai joo too kukuamo lako to jio sa'de kanan-Ku' kumua, ‘Malemo kamu' mai sininna to tonabarakka'i Ambe'-Ku' Puang Allataala. Mentamamo kamu' kaparentan-Ku' to nang dipasadiamo sipamulanna lino.

Lukas 15:10

Katappa'i kumua, susi todamira joo to malaeka'-Na Puang Allataala mario ke denni mesa' tomadosa mengkatoba'!”

Yahya 9:22

Naanggai' to tomatuanna mangkada susi joo, sanga malaja'i lako pekaamberan to-Yahudi. Mangkamo nasituru'i kumua, ia to tonnakui kumua Raja Mangpasalama' to Puang Isa, la dipassala, na te'damo nadieloran mentama bola passambajangan.

2 Timotius 1:8

Iamo joo la baranimoko mpangpeissenanni to Puangta' Puang Isa lako tau laen, na danggi' too mukasirisanna', to ditarungku nasaba' nturu'na' Puang Isa. Apa sibalikanna, la maparri'ko susi aku', nasaba' mpangpeissenanko Kareba Kasalamatan, situru' kapakullean to nabenko Puang Allataala.

1 Yahya 4:15

Inda-inda to nnakuii kumua Anak Allataala to Puang Isa, ia to Puang Allataala da'tan mesa' penawa sola joo tau, na ia da'tan mesa' penawa sola Puang Allataala.

Pengkitanna Yahya 2:13

Kuissen to minii mari'pih, iamo to nanii mangparenta Ballisi'. Matappa' tonganmo kamu' lako Aku'. Susinna tonna dibuno tomatappa'-Ku' Antipas jio olomi to nanii Ballisi' torro, anna te'da mipessakkannina' kumua tangngiana' Puangmi.

Pengkitanna Yahya 3:5

Na ia to topatalo la kupapakeii pakean mabusa na te'da too kuta'deii sanganna lan Sura' Katuoan. Na la kuakui jio olo-Na Ambe'-Ku' sola sininna malaeka'-Na kumua umma'-Ku'.