Matius 10:17 - Alkitab Duri

¹⁷ La majaga kamu', nasaba' la dijokko kamu', ammidipangngolo lako tomangra'tah kara-kara. La dirambi kamu' lan bola passambajangan.

Matius 10:17 ပူးပေါင်းရင်းမြစ်များ

Matius 10:18

La dipangngolo kamu' lako tomangparenta sola raja, nasaba' mituru'na'. Iamo joo wattu la minii mpangpeissenanni to Kareba Kasalamatan lako tuu lako tau, sola totangnnissenpa Puang Allataala.

Matius 20:19

namane' mpangbenna' lako bangsa tangngia to-Yahudi nacapa'-capa'na', narambina', namane' mpampangna'. Apa ia ke allo mangpentallun, la dipatuo pole'na'.”

Matius 23:34

Pesa'dingngii! La kuparatuan kamu' tomapahang, nabi na guru, denni to la mibuno, na den tooi to la mipampang. Denni to la mirambi lan bola passambajangan, na den tooi to la miula' tarruh-tarruh jio mai mesa' kota lako kota laen.

Matius 26:59

Ia tuu lako kapala imang sola padanna Pangbicara Agama mpengkulle-kullei nnampa' kasa'bian tangtongan, la nanii mpasalai to Puang Isa, anna wa'ding dipangpebunoan.

Matius 5:22

Apa kukuan kamu' kumua, ia to tomabirih lako padanna rupa tau, la dipangngoloi lako tomangra'tah kara-kara, na ia to tongkada-kadai padanna rupa tau la dipangngoloi lako tomangparenta, na ia to tomangkada lako padanna rupa tau kumua, ‘Te'da iko bua'mu,’ sipato' dibuang tama api naraka.

Markus 13:12

La nakaba'ci kamu' buda tau, nasaba' mikatappa'ina'. Na la jaji susi joo, tomassile'to mpangpebunoan sile'tona. Susi too ambe' lako anakkana. Anak nnewa tomatuanna, napangpebunoanni. Apa ia to tomatappa' tarruh ratu lako ssalainna lino, la dipasalama'.”

Markus 13:9

La majaga kamu', nasaba' la dijokko kamu', ammidipangngolo lako tomangra'tah kara-kara. La dirambi kamu' lan bola passambajangan. La dipangngolo kamu' lako tomangparenta sola raja, nasaba' mituru'na'. Iamo joo wattu la minii mpangpeissenanni to Kareba Kasalamatan lako tuu lako tau.

Lukas 12:11

Ia ammidikara-kara lan bola passambajangan iarika jio olona tomangparenta ba'tu tomangra'tah kara-kara, danggi' miselang kumua apara la mipau, ba'tu umbo la mikua mpangngewai kalemi.

Yahya 11:47

Iamo joo na ia to kapala imang, sola to-Farisi mpangpesuanni nasirempun to padanna Pangbicara Agama, nasipangkadai nakua, “Apamora la tapugauk? Nasaba' ia joo tau gaja budamo tanda mejangngaran mangka napugauk!

Yahya 16:2

La diula'i kamu' lan mai bola passambajangan. La den too ia wattunna, na ia to tombuno kamu' nasangai kumua mpugaukki kameloan lako Puang Allataala.

Jamanna Rasulu' 17:14

Ta'pa nasolanmi tomatappa' to Paulus lako randan tasik, apa torro bangngi ia Silas sola Timotius jio.

Jamanna Rasulu' 22:19

Mangkadana' kukua, ‘Oo Puang, naissen melona' tuu mati' tau kumua aku'mo to mangka male llelei bola passambajangan kujokkoi to tongkatappa'iki', kupekajui, kumane' mpangpetarungkuanni.

Jamanna Rasulu' 26:11

Pembudana' ssessai lan bola passambajangan, kuparukui napessakkanni pole'i to Puang Isa. Tanda kamapallanku' lako, angkumale ntiroi moi jio kota laen.”

Jamanna Rasulu' 9:2

mpeta'da sura' kuasa nabawa lako kapala bola passambajangan to-Yahudi jio kota Damsyik, dikua ianna ampa' to tonturu' pangngajaran-Na Puang Isa jio la muane la baine, wa'dingngi najokko nabawai lako kota Yerusalem.

Filipi 3:2

Majaga kamu' lako guru tangtongan, nasaba' gaja' to sipa'na susi sipa' asu. Majaga kamu' lako to tomangparuku massunna',

2 Timotius 4:15

La majagako lako ia, nasaba' gaja nakaba'ci to apa tapangpeissenan.

Ibrani 11:36

Den to dicapa'-capa' na dipekaju. Den too to dirante bassi na dipatama pangtarungkuan.