Matius 10:14 - Alkitab Duri

¹⁴ Ia ammiratu lako mesa' bola ba'tu kota, na te'da natarima kamu' to tau jio, iarika tangnapesa'dingngi kamu', salai joo bola ba'tu kota, mipentambakanni to carepa jio ajemi.

Matius 10:14 ပူးပေါင်းရင်းမြစ်များ

Matius 10:13

Ia ke natarima melo kamu' joo ampu bola, ia joo pangbarakka'mi la torroi lan joo bola. Apa ia ke te'da natarima melo kamu', ake'mo na pole pole' joo pangbarakka'mi lako kalemi.

Matius 18:5

Ia to tontarima pea to susi tee, sanga kamatapparanna lako Aku', pada bang unamo to Aku' natarima.”

Markus 6:11

Apa ia ammiratu lako mesa' kampong, nate'da natarima kamu' tau jio, iarika tangnapesa'dingngi kamu', salaii joo kampong. Mipentambakanni to carepa jio ajemi la mpangngingaranni tuu lako tau to kasalanna!”

Markus 9:37

“Ia to tontarima pea to susi tee, sanga kamatapparanna lako Aku', pada bang unamo to Aku' natarima. Na ia to tontarimana', tangngia Aku' manda natarima, apa natarima toomo to Puang Allataala to ssuana'.”

Lukas 9:48

Mangkadami lako anak gurun-Na nakua, “Ia to tontarima pea to susi tee, sanga kamatapparanna lako Aku', pada bang unamo to Aku' natarima. Na ia to tontarimana', natarima toomo to Puang Allataala to ssuana'. Nasaba' ia to tossanga kalena kaminang biccu' jio tangnga-tangngami, iamo kaminang matonggo!”

Lukas 9:5

Apa ia ammiratu lako mesa' kota, na te'da miditarima, salai joo kota, mipentambakanni to carepa jio ajemi, la mpangngingaranni tuu lako tau to kasalanna!”

Yahya 13:20

La miingaran tee kadang-Ku' kumua, ia tontarimai to tokusua, iamo to ntarimana'. Na ia tontarimana', ia toomo ntarimai to tossuana'.”

Jamanna Rasulu' 13:51

Apa mpentambakanni ajena Paulus sola Barnabas. Mangkai joo too malemi lako kota Ikonium.

Jamanna Rasulu' 18:6

Apa tuli naewali tau, nacapa' tooi. Iamo joo naperrimbakanni to pakeanna mpangngingaranni to kasalanna tuu lako tau. Nakua mangkada, “Ia ammiden masolang undinna, tangngiamo salaku'! Lesso' suru'mo' aku'! Mammula tee too la male lakomo' bangsa tangngia to-Yahudi.”