Matius 1:18 - Alkitab Duri

¹⁸ Susi tee to kajajian-Na Puang Isa Almaseh. Maryam, to tangka'na Yusuf, iamo la njajian Puang Isa. Ia tonna te'dapa namamma' sola Yusuf, keba'tangmi. Te'da naissenni Yusuf kumua ia to kakeba'tanganna jajii nasaba' kuasan-Na Roh Allataala.

Matius 1:18 ပူးပေါင်းရင်းမြစ်များ

Matius 1:1

Ia to nunnungan nene-Na Puang Isa Almaseh, bati'nai Raja Daud jio mai bati'na Nabi Ibrahim susi tee:

Matius 12:46

Ia tonna mangkada unapa to Puang Isa lako tobuda, ratumi indo-Na sola sile'to-Na, najenjen bang jio salean. Madoangngi ssikitanni, apa te'da lalan naola, nasaba' gaja buda tau ntalimbungngi to Puang Isa.

Matius 2:11

Mentamami bola tee topakita bintuin, nakitai joo pea sola Maryam indona, anna suju' ssompai. Nabukaimi to sepu' ewanan nabawanni tee pea, napangngoloi to bulawan, kamanynyang sola mur.

Lukas 1:25

Mangkadami nakua, “Iamo tee pangtulung-Na Puang Allataala lako kaleku', nata'dei to siri'ku'.”

Lukas 2:5

Malemi Yusuf la mpangpeukiran sanganna sola Maryam, sitangka'na, to mbawamo banda'.

Ibrani 10:5

Iamo joo ia tonna mentolinomo Almaseh, nakua mangkada lako Puang Allataala, “Te'da mukadoangngi karoba sola passompan, apa mangkamo' mupadenan batang kale.

Ibrani 7:26

Jaji, iamo Imang Lompo taparallui to Puang Isa. Tomelo Ia, te'da sala-Na ba'tu kakurangan-Na. Todipatorro leko' jio mai tomadosa, na dipaendek de' la'bih majaona na ia to langi'.