Lukas 9:52 - Alkitab Duri

⁵² Nasuami to ba'tu pira-pira tau njoloanni. Malemi joo todisua namentama mesa' kampong to-Samaria la mpasadianni kaparalluan-Na Puang Isa.

Lukas 9:52 ပူးပေါင်းရင်းမြစ်များ

Matius 10:5

Nasuami Puang Isa joo sangpulo dua anak gurun-Na, napasanni kumua, “Danggi' mimale lako bangsa tangngia to-Yahudi, moi lako to-Samaria.

Lukas 10:1

Mangkai joo too napilei omi Puang Isa to pitung pulo tau laen to nturu'i, nasuai male sidua-dua njoloanni lako sininna kota sola kampong to la napangngujui.

Lukas 10:33

Apa denni to-Samaria, to mambela lalan, nnola ntuu toda jio. Ia tonna kitai joo todirampo', massemi penawanna.

Lukas 17:11

Ia tonna male Puang Isa de' kota Yerusalem nnola jioi paralla'na tana Samaria na Galilea.

Lukas 17:16

Ia tonna ratumo lako Puang Isa suju'i jiong to' aje-Na mangkurru sumanga'. To-Samaria joo tau.

Lukas 7:27

Nasaba' Nabi Yahyamo to mpasadia tau la ntarimana'. Susi to diuki' lan Sura' Allataala mpau Nabi Yahya kumua, Mangkadai Puang Allataala, ‘Iamo tee pesuang-Ku', to kusua la njoloanko, anna pemakassingngii to lalan la muola!’ ”

Yahya 4:4

Apa lan kalingkan-Na Puang Isa re' tana Galilea la nnola lakori tana Samaria.

Yahya 4:5

Agi-agi tatte' sangpulo dua ratumi lako mesa' kota jio tana Samaria disanga Sikhar, siandah padangna Yakub to mangkamo natawan anakkana tonna anu' to disanga Yusuf. Den bubunna Yakub jio. Gaja bo'jo'i Puang Isa lumingka tangnga allo nacumadokko jio sa'dena joo bubun.

Yahya 4:9

Jangngahhi joo baine, sanga to-Yahudi na to-Samaria te'da nasisumuan. Iamo joo nakua kumua, “Oo, na to-Yahudiki', na to-Samariana', antapeta'daina' wai diiso'.”

Yahya 8:48

Mebalimi to to-Yahudi nakua, “To-Samariaki'. Natamaiki' setang.”