Lukas 9:43 - Alkitab Duri

⁴³ Jangngah ngasan tuu lako tau, nasaba' kuasan-Na Puang Allataala. Ia tonna jangngah bang unapa tuu lako tau ntangngahhi sininna to mangka napugauk Puang Isa, nakuamo lako anak gurun-Na,

Lukas 9:43 ပူးပေါင်းရင်းမြစ်များ

Matius 17:22

Ia tonna sirempunmo Puang Isa sola anak gurun-Na jio tana Galilea, nakuamo Puang Isa lako, “Te'damo namasai ia tee Aku', Anak Mentolino, kuladipangben lako kuasanna tolino.

Markus 6:51

Endekmi de' lopi to Puang Isa, nata'pa radan to angin bara'. Liwa' jangngah to anak gurun-Na,

Lukas 18:43

Ta'pa pakitami, naundi nturu' Puang Isa, na mpakala'bih Puang Allataala. Sininna to tau ngkitai joo mpakala'bih toda Puang Allataala.

Lukas 4:36

Jangngah ngasanmi to tobuda nasipangkada-kada nakua, “Takkajulu' to kadan-Na! Matongko na makuasa mparentai to setang messun namessun tongan.”

Lukas 5:26

Jangngah ngasan tuu lako tau anna mpakala'bih Puang Allataala. Silajatan ngasanni nakua, “Liwa' mejangngaran to apa takita tee allo!”

Lukas 5:9

Mangkadai Simon susi joo sanga jangngahhi namalaja' too sola solana ngkitai joo kabudanna bale naala.

Lukas 8:25

Nakuamo lako anak gurun-Na, “Ciapari na te'dara mikatappa'ina'!” Jangngah ngasanmi sola silajatanni nasipangkada-kada sikutana, “Indara ia sitonganna tee tau na moi angin sola bombang nturu' tooi to parenta-Na!”

Lukas 9:42

Ia tonna mandoppi'mo joo pea lako Puang Isa, napessambakanmi setang natisintak-sintak to kalena. Apa nagarra'i Puang Isa joo setang, naula'i lan mai joo pea. Napamalagahmi Puang Isa joo pea, namane' solanni lako ambe'na.

2 Petrus 1:16

Ia tongkipangpeissenanni lako kamu' kumua la napangpekitan Puangta' Puang Isa Almaseh to kuasan-Na ke ratu pole'i, ia joo kipau tangngia curita nagaraga bangra tolino susi curita tangkebattuan. Kiissen joo, sanga ia to kamala'biran-Na mangkamo kami' kikita.