Lukas 9:38 - Alkitab Duri

³⁸ Denmi mesa' muane nnandongngi mangkada lan tangnga-tangngana tobuda nakua, “Oo Guru, takamaseina' dikka'! Takitapi joo anak tungga'ku'!

Lukas 9:38 ပူးပေါင်းရင်းမြစ်များ

Matius 15:22

Denmi mesa' baine to-Kanaan ratu ngkandoppi' Puang Isa metamba-tamba nakua, “Oo Puang, bati'na Raja Daud, kamaseina'! Natamai setang to anakkaku' baine. Takkajulu' maparri'na!”

Lukas 7:12

Ia tonna mandoppi'mo lako babangan kota, denmi tau mbulle tomate messun lan mai kota. Ia joo tomate, mesa' pea muane, anak tungga'na mesa' baine to matemo muanena. Buda pangtondokan ssolanni to indona joo pea.

Lukas 9:37

Masawanna, tonna solohmo Puang Isa jao mai buntu sola joo tallu anak gurun-Na, siratuan omi to tau buda lako kale-Na.

Lukas 9:39

Ia ke natamai omi joo setang, metamba-tamba tongan natisintak-sintak to kalena sanggenna mangkambura-bura to kasolena. Te'da namessun joo setang ke te'dapi nasessa tonganni dikka'!

Yahya 4:47

Ia tonna sa'dingmi joo tomangparenta kumua ratu pole'mi Puang Isa jio mai tana Yudea, malemi mpessitammuii nameta'da tulung, namale do' kota Kapernaum mpamalagahhi joo anakkana to la mate mandamo.