Lukas 9:29 - Alkitab Duri

²⁹ Ia tonna massambajang unapa Puang Isa membalikmi rupan-Na, na ia to pakean-Na memmabuccang cumbia'-bia'.

Lukas 9:29 ပူးပေါင်းရင်းမြစ်များ

Matius 17:2

Ia tonna ratumo de', nakitami to Puang Isa balik rupan-Na. Ia to rupan-Na susi allo mangngarrang na ia to pakean-Na memmabuccang cumbia'-bia'.

Markus 16:12

Ia tonna mangka omo joo, laen omi carana Puang Isa mpangpekitan kalena lako dua tau to nturu'mi, tonna lan kalingkanna sola dua mangnguju lako mesa' kampong.

Lukas 3:21

Ia tonna mangka ngasanmo tuu lako tau najio' Nabi Yahya, tonna te'dapa naditarungku, najio' toomi Nabi Yahya to Puang Isa. Ia tonna massambajangmo to Puang Isa, titimbakmi to langi',

Lukas 5:16

Mangkai joo too male omi Puang Isa massambajang jio padang pallawangan.

Lukas 6:12

Mangkai joo too, malemi Puang Isa de' buntu la massambajang. Massambajangmi jao siupuh bongi lako Puang Allataala.

Lukas 9:18

Den pissen namale Puang Isa torro mesa massambajang, anna ratu to anak gurun-Na lako joo nanii. Mekutanami Puang Isa nakua, “Ia ke pahangna tobuda, indara nasanganna'?”

Lukas 9:30

Nata'pa den dua tau, iamo to Nabi Musa sola Nabi Elia, dikita lan arrang kamala'biran pole jao mai suruga. Nasipangkadaimi Puang Isa sola Nabi Musa na Nabi Elia to kamatean-Na Puang Isa to la jaji jao kota Yerusalem situru' akkatta-Na Puang Allataala.

Yahya 1:14

Ia joo Kada mentolinomi namari'pihmi lan tangnga-tangngata'. Takitamo to kamala'biran-Na, to natarima jio mai Ambe' sanga Ia Anak tungga'-Na. Iamo joo Anak mpamanassa tonganni to Puang Allataala sola pangpakamoja'-Na.

Jamanna Rasulu' 6:15

Mengkita lako ngasan Stefanus sininna to tau lan joo kasirempunan Pangbicara Agama. Ia to lindona susi bang lindo malaeka' dikita.

Pengkitanna Yahya 20:11

Mangkai joo too ngkita omo' cadokkoan mala'bih mabusa na matonggo, na Puang Allataala cumadokko jao. Ia to langi' sola lino lanynya'i jio mai olo-Na nate'damo dikita.