Lukas 9:12 - Alkitab Duri

¹² Ia tonna la bongimo, malemi to anak gurun-Na ngkandoppi' Puang Isa nakuanni, “Oo Puang! La'bih melo ke tasuami tee mai tobuda namale nnangah ngenan pangbongian sola kande ntuu lako kampong sola tomangbara'bah mengguririkkita', nasaba' pallawangan tee tanii.”

Lukas 9:12 ပူးပေါင်းရင်းမြစ်များ

Matius 14:13

Ia tonna sa'dingngi Puang Isa joo kareba kumua matemi to Nabi Yahya, messarakmi namale mesa sola anak gurun-Na manglopi mangnguju lako padang pallawangan. Apa naissenni tobuda, nasimessunan lan mai kampongna nannola gantanan njoloii to Puang Isa sola anak gurun-Na.

Matius 15:23

Te'da bang napebalii Puang Isa. Meta'dami anak gurun-Na nakua, “Ee Puang, suai palai joo baine. Undi bang jio boko'ta' rrekaiki'.”

Matius 15:32

Natambaimi Puang Isa to anak gurun-Na nakuanni, “Masse penawang-Ku' ngkitai tee mai tobuda, sanga tallung allomiki' sola na cappu'mi to kinallona. Te'da kueloranni pole ke tangbarahhi, iamo ke limpui lako lalan.”

Lukas 9:11

Apa naissen tobuda kumua malemi, naundi nturu'i. Napessitammuimi, namangngajahhi umbo nakua to tau menjaji taun-Na Puang Allataala lan kaparentan-Na. Napamalagah ngasan tooi to tomasaki.

Lukas 9:13

Apa napebalii nakua, “Kamu' ia to la mpakandei.” Nakuamo to anak gurun-Na, “Limamora roti na duapa bale kiampui! La malerakanka nnallianni kande tee mai tau?”

Yahya 6:1

Mangkai joo too malemi Puang Isa lian sambali'na Tasik Galilea to disanga too Tasik Tiberias.

Filipi 1:19

nasaba' kuissen kumua dila'paranna', sanga passambajangmi, na pangtulung-Na Roh-Na Isa Almaseh.