Lukas 9:11 - Alkitab Duri

¹¹ Apa naissen tobuda kumua malemi, naundi nturu'i. Napessitammuimi, namangngajahhi umbo nakua to tau menjaji taun-Na Puang Allataala lan kaparentan-Na. Napamalagah ngasan tooi to tomasaki.

Lukas 9:11 ပူးပေါင်းရင်းမြစ်များ

Matius 12:15

Naissen Puang Isa to akkattana tuu lako to-Farisi la mbunoi, iamo joo namale mpemboko'ii, apa buda tau undi nturu'i. Napamalagah ngasanmi to tomasaki.

Matius 14:14

Ia tonna mellaomo Puang Isa jao mai lopi, nakitami joo tobuda, anna masse penawan-Na. Napamalagahhi to tomasaki to ratu nasolan tau.

Matius 21:31

Jaji, umbonnara joo to sile'to sola duai to nturu' kadanna ambe'na?” Mebalimi tuu lako kapala imang sola pekaamberan to-Yahudi nakua, “Ia to kakanna.” Nakuamo Puang Isa, “La miissen kumua ia to passassung sola tuu lako baine sala kedo la la'bih marawa menjaji umma'-Na Puang Allataala na kamu'.

Matius 21:43

Nakuamo Puang Isa lako tuu lako kapala imang sola pekaamberan to-Yahudi, “La miingaran! Te'da milampumanahhi to manahna umma'-Na Puang Allataala. La dialai kamu' nadiben lako bangsa to madoang nturu' parenta-Na Puang Allataala. [

Lukas 1:53

Nabenni to totangbarah na sabarahna, na ia to tosugih nasua pole mangpala' lo'bang.

Lukas 5:31

Mebalimi Puang Isa nakua, “Ia to tomalagah te'da naparallu tomangjampi, apa to tomasakira mparallui tomangjampi.

Lukas 8:1

Mangkai joo too, malemi Puang Isa llelei buda kota sola kampong mpangpeissenan Kareba Kasalamatan kumua la ratumi Puang Allataala mangparenta susi Raja. Ia to sangpulo dua anak gurun-Na undi nturu'i.

Lukas 8:10

Nakuamo Puang Isa mebali, “Dibenmo kamu' barakka' la nnissenni to apa tangnaissen tau kumua la ratui Puang Allataala mangparenta susi Raja. Apa ia to tau laen diajahhi mpake pangpasusian, dikua moi napemakitaii, apa te'da nakitai. Moi nada'tan bang mpesa'dingngii, apa te'da napahangngi.”

Lukas 9:10

Ia tonna polemo joo rasulu' jio mai kalingkanna, pada nacuritami lako Puang Isa to apa napugauk. Mangkai joo too, napessalaii Puang Isa to tobuda, namale mesa sola to rasulu' lako kota Betsaida.

Lukas 9:12

Ia tonna la bongimo, malemi to anak gurun-Na ngkandoppi' Puang Isa nakuanni, “Oo Puang! La'bih melo ke tasuami tee mai tobuda namale nnangah ngenan pangbongian sola kande ntuu lako kampong sola tomangbara'bah mengguririkkita', nasaba' pallawangan tee tanii.”

Lukas 9:2

Nasuami sola ngasan male mpangpeissenanni kumua la ratumi Puang Allataala mangparenta susi Raja, nasua tooi male mpamalagah tomasaki.

Yahya 4:34

Nakua omo Puang Isa, “Ia to kande-Ku', iamo to nturu' pakkaeloran-Na Puang Allataala angkumangkai tooi to jaman nasuanna'.

Yahya 6:37

Sininna to tonapangben Ambe' lako Aku', iamo la ratu lako kale-Ku'. Na moi inda ke ratumi, te'da kutanglantarimai.

Jamanna Rasulu' 28:31

Te'da namalaja' mpangpeissenanni umbo nakua menjaji taun-Na Puang Allataala lan kaparentan-Na, napangpeissenan tooi kumua Raja Mangpasalama' to Puang Isa. Masannang Paulus mangpangngajah, sanga te'da tau nnanggaii.

Roma 10:14

Na umbo la nakua meta'da tulung lako Puang ke te'dapi namatappa'? Na umbo la nakua matappa' lako Puang ke te'dapi naissenni inda to la nakatappa'i? Na umbo la nakua to tau nnissenni to Puang, ke te'dapi tau mpangpeissenanni?

Roma 10:17

Jaji, ia ke denni tau mpangpeissenanni to karebanna Almaseh, mane'ri disa'ding. Na ia ke denmi tau ssa'dingngi, mane'ri wa'ding nakatappa'i.

Roma 15:3

Almaseh una nate'da nakamasannangan-Na manda napikkiri', susi to diuki' lan Sura' Allataala mpaui kumua, “Sininna kada pangcapa' lako Puang Allataala, mangkamo kuperasai.”

2 Timotius 4:2

ammupangpeissenanni to Kareba Kasalamatan lako tau, madoangrika ba'tu cia'rika, na la mupakainga' na mupapahangngi tooi to kasalanna. Apa la mupaendek tooi sumanga'na na musabbara' nnajahhii.

Ibrani 4:16

Iamo joo tapada mbaranian kaleta' mangngolo lako Puang Allataala to mpakamoja'ki'. Ia ke tapugaukki susi joo, la taperasai to pangkamasean-Na sola kameloan penawan-Na, nasaba' te'da namela' ntulungki' tontaparalluii.