Lukas 8:54 - Alkitab Duri

⁵⁴ Natoemi Puang Isa to limanna joo pea namangkada nakua, “Ee becce', mi'cokko!”

Lukas 8:54 ပူးပေါင်းရင်းမြစ်များ

Matius 9:25

Ia tonna simessunanmo to tau, malemi Puang Isa ntoei to limanna joo pea, nata'pa tuo pole'.

Markus 1:31

Malemi ssikitanni, nakaka'i to limanna, namane' mpami'cokki. Ta'demi to kula'na, namale mpasadianni kande to toratu.

Markus 8:23

Natoemi Puang Isa to limanna, nasolanni messun lan mai kota. Nacikkuduimi to matanna, namane' ssapui. Nakutanaii nakua, “Den unamoraka apa mukita?”

Markus 9:27

Apa natoei Puang Isa to limanna, napami'cikki, nata'pa ke'deh joo pea.

Lukas 8:51

Ia tonna ratumo lako bolana Yairus, te'da tau laen naeloran mentama, saliwanna Petrus, Yahya, Yakub sola tomatuanna joo pea.

Lukas 8:53

Napetawa-tawaimi tau to Puang Isa, nasaba' naissen kumua matemi ia.

Lukas 8:55

Polemi sunga'na joo pea, nata'pa mi'cik. Nasuami Puang Isa to tau mbenni kande.

Yahya 11:43

Ia tonna mangkamo mangkada susi joo, nnandongmi gamaran-Na nakua, “Oo Lazarus, messunko mai!”

Yahya 5:21

Susi to Ambe'-Ku' mpatuo tomate, nabenni katuoan melo te'da cappa'na, susi todami Aku' Anak mpangben katuoan melo te'da cappa'na lako ia to tokukadoangngi.

Jamanna Rasulu' 9:40

Nasua ngasanni Petrus messun, namengguntu' massambajang. Ia tonna oloimi joo batang rabukkuna nakuanni, “Ee Tabita, mi'cokmoko!” Ta'pa mpami'cikmi matanna, nami'cok cumadokko tonna kitai to Petrus.

Roma 4:17

Den diuki' lan Sura' Allataala nakua Puang Allataala lako Nabi Ibrahim kumua, “La kupupenjajiko ambe'na buda bangsa.” Susimi joo to basse-Na Puang Allataala anna katappa'ii Nabi Ibrahim Iamo Puang Allataala to mpatuo tomate, Ia toomo mangkada mandari mpadenni to apa te'da, namenjaji den.