Lukas 8:50 - Alkitab Duri

⁵⁰ Ia tonna sa'dingngi Puang Isa joo kareba, nakuamo lako Yairus, “Danggi' mumalaja', matappa' bangmoko lako Aku', nang la salama' to becce'mu.”

Lukas 8:50 ပူးပေါင်းရင်းမြစ်များ

Markus 5:36

Te'da naparinawai Puang Isa to apa napau joo tau, namangkada lako Yairus nakua, “Danggi' mumalaja', matappa'ko lako Aku'!”

Markus 9:23

Mebalimi Puang Isa nakua, “Ah, apa mukua? Ia ke kukullei? Moi apa nang la jaji, ke nakatappa'i tonganna' tau.”

Lukas 8:48

Nakuamo Puang Isa lako joo baine, “Ee, anak-Ku'! Malagahmoko, nasaba' mukatappa'ina'. Paela'-ela' bangmoko lako lalan.”

Lukas 8:51

Ia tonna ratumo lako bolana Yairus, te'da tau laen naeloran mentama, saliwanna Petrus, Yahya, Yakub sola tomatuanna joo pea.

Yahya 11:25

Nakua Puang Isa, “Aku'mo mpangben katuoan sola mpatuo pole' tomate. Ia to tomatappa' lako Aku', la tuo pole', moi namatemo.

Yahya 11:40

Mebalii Puang Isa nakua, “Mangkako kupauan kumua la mukita to kamala'biran-Na Puang Allataala, ke matappa'ko!”

Roma 4:17

Den diuki' lan Sura' Allataala nakua Puang Allataala lako Nabi Ibrahim kumua, “La kupupenjajiko ambe'na buda bangsa.” Susimi joo to basse-Na Puang Allataala anna katappa'ii Nabi Ibrahim Iamo Puang Allataala to mpatuo tomate, Ia toomo mangkada mandari mpadenni to apa te'da, namenjaji den.