Lukas 8:27 - Alkitab Duri

^27-29 Ntuu jio den mesa' tau jio mai kota to natamai buda setang. Masaimo tangmebaju na te'damo namadoang torro jio bola. Torro lan bangmira lo'ko' tomate. Pembudai nakuasai setang, anna moi dipumpung rante bassi to limanna sola ajena nadiampai bang, apa naka'tu-ka'tupa to pumpungna, na male ngkinjarasanni setang lako padang pallawangan. Ia tonna mellaomo Puang Isa jao mai lopi, ia joo tonatamai setang male mpessitammuii. Ia tonna kitami to Puang Isa, nakandoppi'mi nasuju' jio olo-Na, nnandongngi mangkada nakua, “Oo, Puang Isa, Anak Allataala to kaminang makuasa! La tapatumbamora' tee? Meta'dana', danggi' dikka' tacallana'!” Mangkadai susi joo, nasaba' nasuai Puang Isa joo setang messun lan mai kalena.

Lukas 8:27 ပူးပေါင်းရင်းမြစ်များ

Matius 4:24

Kaissenanmi to Puang Isa ratu re' tana Siria. Iamo joo nasabuda-budanna tau ratu lako kale-Na ssolan tomasaki to mangrupa-rupa sakinna sola kamapa'dikan, susinna tonatamai setang, tota'taran sola tokupi', napamalagahhi.

Markus 5:15

Ia tonna ratumo lako to nanii Puang Isa, nakitami joo tobuda setang diula'i lan mai kalena cumadokko ntuu jio mangpakeanmo, na melomo pangtangngaranna. Malaja' ngasanmi tuu lako tau.

Lukas 8:26

Lambanmi Puang Isa sola anak gurun-Na lian tana Gerasa sambali'na Tasik Galilea.