Lukas 7:37 - Alkitab Duri

³⁷ Den mesa' baine lan joo kota mpugauk bang panggaukan gaja'. Ia tonna sa'dingngi kumua ia to Puang Isa kumandei jio bolana Simon to-Farisi, malemi lako mbawa minynya'-minynya' lan bittolo' pualam.

Lukas 7:37 ပူးပေါင်းရင်းမြစ်များ

Matius 21:31

Jaji, umbonnara joo to sile'to sola duai to nturu' kadanna ambe'na?” Mebalimi tuu lako kapala imang sola pekaamberan to-Yahudi nakua, “Ia to kakanna.” Nakuamo Puang Isa, “La miissen kumua ia to passassung sola tuu lako baine sala kedo la la'bih marawa menjaji umma'-Na Puang Allataala na kamu'.

Lukas 18:13

Apa ia joo passassung ke'deh mambela-bela bang. Moi mentingngara de' langi' tangnasara, apa ssauru'i babara'na, nakua, ‘Oo Puang Allataala, kamaseina' dikka' aku' tee mesa'na' tomadosa!’

Lukas 19:7

Sipangnuku-nukuan ngasanmi to tongkitai joo nakua, “Wah, naleppang ora Ia jio bolana togaja'.”

Lukas 5:30

Tangmasannang to ba'tu pira-pira to-Farisi sola guru agama, to nturu' toda pangngajaranna to-Farisi, anna kutanaii to anak gurun-Na Puang Isa nakua, “Ciapari mikumande sola passassung na totangnturu' atoran agama?”

Lukas 5:32

Te'da kuratu la ntulung tossanga kalena tomelo, apa ratura' ntulung tomadosa, dikua namengkatoba' jio mai dosana.”

Lukas 7:34

Na ratu omo' Aku', Anak Mentolino, kukumande sola mangngiso', mikua omo kua, ‘Kitai joo tomaullak, pangngiso', soba'na passassung sola togaja' sipa'na.’

Lukas 7:36

Den mesa' to-Farisi disanga Simon ntambai Puang Isa ratu kumande jio bolana. Malemi Puang Isa lako, nacumadokko kumande sola.

Yahya 9:24

Natambai pole' omi pekaamberan to-Yahudi joo tomangka buta nakuanni, “Massapahko lako Puang Allataala kumua la mupau to tonganna. Kiissen kumua tomadosa joo tau.”

Yahya 9:31

Taissen kumua te'da napesa'dingngii Puang Allataala to tompugauk dosa, apa iara napesa'dingngi to tossompai sola mpugauk pakkaeloran-Na.

Roma 5:8

Apa napakitanmiki' Puang Allataala to pangpakamoja'-Na, nasaba' ia tonna taloi unapiki' kuasa dosa, matei to Almaseh mpangngewanki'.

1 Timotius 1:15

Tongan na sipato' ditarima tee kada to kumua, “Mentolino to Puang Isa Almaseh la mpasalama' tomadosa”, na aku'mo to kaminang madosanna.

1 Timotius 1:9

Parallu diingaran kumua, ia joo atoran dipaden tangngia lako tomelo, apa lakori togaja' iarika totangmangpesa'ding, lako totangnturu' Puang iarika tomadosa, lako totangssompa iarika totangkasiri' Puang, lako tombuno indona iarika ambe'na, na sininna to mbuno padanna rupa tau,

1 Petrus 4:18

Den diuki' lan Sura' Allataala kumua, “Ia ke masussai dipasalama' to tomelo, apa pole'pa la jaji lako to tomadosa, to cia' mpesa'dingngi Puang!”