Lukas 7:30 - Alkitab Duri

³⁰ Apa ia to to-Farisi na guru agama cia'i ntarima akkatta-Na Puang Allataala to mpatu kalena, nacia'i najio' Nabi Yahya.

Lukas 7:30 ပူးပေါင်းရင်းမြစ်များ

Kada Bulawan 1:25

Moi pangpakainga'ku' te'da miparinawai na te'da mitarimai to pangpangngajahku',

Matius 22:35

Denmi sala mesa'na, male lako Puang Isa la nnakkalannii, naden lalan nanii mpasalai. Ia joo tau guru agama.

Lukas 13:34

Ee, to-Yerusalem! Tombuno kamu' nabi! Mirura batui to tonasua Puang Allataala ratu lako kalemi, sanggenna mate! Ba'tu pempiranmo' madoang rrempun kamu', susi indo manuk rrempun anakkana jiong pani'na, apa te'da mimadoang!

Lukas 20:6

Apa ia ke la takua, ‘Kuasa jio mai tolino’, la narura batuki' tobuda, nasaba' nasanga ia nabi joo Nabi Yahya.”

Lukas 7:31

Mangkada pole' omi Puang Isa kumua, “Apara la kupasusianni tee tau too allo? Apara dipapadanni?

Jamanna Rasulu' 20:27

Kupamanassanmo kamu' sininna to pakkaeloran-Na Puang Allataala.

Roma 10:21

Apa nakua Nabi Yesaya mpaui to kada napasan Puang Allataala lako to-Israel nakua, “Da'tan bangna' mpupengkorongan limang-Ku' lako kamu', bangsa to tangmenturu' naewa toona'.”

2 Korintus 6:1

Ia tee kami', mpangjamankan Puang Allataala. Iamo joo kimeta'da tongan-tongan lako kalemi, nadanggi' mitangmpuinawai to barakka' kasalamatan mangka mitarima anna membua melo.

Galatia 2:21

Susimi tee te'da kukita majiongngi to kameloan penawan-Na Puang Allataala, iamo to kamatean-Na Puang Isa Almaseh. Apa ia ke la den tolino napupenjaji tomelo Puang Allataala, nasaba' mpugaukki atoran agama, te'da bua'na joo kamatean-Na Almaseh.

Efesus 1:11

Ia to napugauk-Na Puang Allataala, napasituru' tarruhhi akkatta-Na sola pakkaeloran-Na to pura napattantumo. Ia tonna te'dapa nadipaden tee lino napileimiki', sanga madoangngi antamenjaji umma'-Na, nasaba' memmesa'ki' sola Almaseh.