Lukas 7:19 - Alkitab Duri

¹⁹ anna suai male ngkutanai Puang Isa kumua, “Kita'moraka Raja Mangpasalama' to kitajan, ba'tu la ntajanpakan tau laen?”

Lukas 7:19 ပူးပေါင်းရင်းမြစ်များ

Markus 6:7

Natambaimi to sangpulo dua anak gurun-Na sirempun, nabenni kuasa nnula'i setang, namane' ssuai male sidua-dua,

Lukas 10:1

Mangkai joo too napilei omi Puang Isa to pitung pulo tau laen to nturu'i, nasuai male sidua-dua njoloanni lako sininna kota sola kampong to la napangngujui.

Lukas 11:1

Den pissen namale Puang Isa massambajang. Ia tonna mangkamo, ratumi mesa' to anak gurun-Na mangkada nakua, “Oo Puang, ajahhikan massambajang susi Nabi Yahya nnajahhi anak gurunna.”

Lukas 11:39

Iamo joo namangkada Puang Isa nakua, “Ee kamu' to-Farisi! Ia ammibasei isotan ba'tu kandean, saleanna manda mibasei, apa lanna liu carepa unapa. Susimi joo, ia to ada' wa'ding nakita tau mituru' tongan, apa lan penawammi buda kagajatan sola kamadoangan rrampa apanna tau.

Lukas 12:42

Mebalimi Puang Isa nakua, “Iamo kupapatui to kaunan melo to wa'ding dikatappa'i. Iamo la naben kuasa puangna ngkapalai kaunan laenna, napakandei ke wattunnami kakumandean.

Lukas 13:15

Mebalimi Puang Isa nakua, “Ee, tomajekkong! Ianna Allo Katorroan lla'paran ngasan kamu' sapinmi ba'tu keledaimmi, mimale mbawai mipaiso'.

Lukas 17:5

Nakuamo tuu lako rasulu' lako Puang Isa, “Pamawatangngi to kamatapparanki'!”

Lukas 17:6

Mebalimi Puang Isa nakua, “Ia ke denni kamatapparanmi moi pada bangra lise' sawi, wa'ding kamu' kumua lako tee garonto' kaju tonggo, ‘Tiangka'ko mutitanan lan tasik’, nang la naturu'i to kadammi.”

Lukas 18:6

Nakuamo Puang Isa, “Ingaran meloi to apa napau joo pangbicara tangmaruruh.

Lukas 19:8

Apa ke'dehhi Zakheus, nakua lako Puang Isa, “Oo Puang, sangsesena to ewananku' la kuben tokaasi-asi, na ia ke denni apanna tau kurampa, la kupapolean manglokkon penna'pa'.”

Lukas 22:61

Messailemi Puang Isa nakitai to Petrus. Naingaranmi Petrus to apa mangka nakuanni Puang Isa, “Te'dapa nakekkua to manuk tee bongi, mupentallunmo mpessakkannina'.”

Lukas 24:34

Nakuamo joo anak gurun-Na mangkada, “Nang tongan kumua, tuo pole'mi to Puang! Mangkamo mpangpekitan kalena lako Simon!”

Lukas 7:13

Ia tonna kitami Puang Isa joo baine, massemi penawan-Na nakuanni, “Ee indo', danggi' takumarrak!”

Lukas 7:20

Malemi sola dua lako Puang Isa nakua, “Nasuakan gurungki' mekutana lako kita', ‘Kita'moraka Raja Mangpasalama' to kitajan, ba'tu la ntajanpakan tau laen?’ ”

Yahya 4:1

Nasa'dingmi to-Farisi kumua la'bih buda tau najio' Puang Isa naturu'i, na ia tonturu' Nabi Yahya.

Yahya 4:25

Nakuamo joo baine lako Puang Isa, “Kuissen kumua la ratui to Raja Mangpasalama' to disanga Almaseh. Na ia ke ratumi, Iamo mpamanassan ngasanki' to sininna apa.”

Yahya 6:23

Apa ia joo wattu denmi ba'tu pira-pira lopi ratu jio mai kota Tiberias nakenden sikandoppi' to nanii mangka ngkurru sumanga' roti Puang Isa nakande tobuda.

Yosua 2:1

Ia tonna torro mangtenda jio Sitim to to-Israel nasuami Yosua dua tau male mmata-matai tana Kanaan nakuanni, “Male kamu' mmata-matai tana Kanaan lalopa kota Yerikho, apa danggi' naden tau nnissenni to karatuanmi.” Malemi sola dua. Ia tonna ratumo lako kota Yerikho, leppang lakoi bolana mesa' baine bandarang disanga Rahab, namangbongi jio.

Pengkitanna Yahya 11:3

Ia joo wattu la ssuana' dua sa'bing-Ku' to mangpakean kamasussan mpangpeissenan pepasan-Ku' sangsa'bu dua ratuh annan pulona allona ba'tu patang pulo dua bulanna.”