Lukas 6:8 - Alkitab Duri

⁸ Apa naissen Puang Isa to lan penawanna tuu lako tau. Iamo joo nakuanni joo tomate sangbali limanna, “Maleko mai, mujenjen lan tangnga.” Ke'dehmi, najenjen.

Lukas 6:8 ပူးပေါင်းရင်းမြစ်များ

Matius 9:4

Naissen Puang Isa to lan penawanna tuu lako guru agama. Iamo joo nakuanni, “Ciapari mimangpikkiri' gaja' susi tuu?

Markus 3:3

Nakuamo Puang Isa lako joo tomate sangbali limanna nakua, “Maleko mai, mujenjen lan tangnga!”

Lukas 13:12

Ia tonna kitami Puang Isa joo baine, natambaimi nakua, “Ee indo', la'pahmoko jio mai sopokkomu!”

Lukas 5:22

Apa naissen Puang Isa apa to lan penawanna tuu lako guru agama sola to-Farisi. Iamo joo nakuanni, “Apara to mipikkiri'?

Lukas 6:9

Mekutanami Puang Isa lako joo tompesa'i nakua, “Ianna situru' atoran agama, apara to wa'ding tapugauk ke Allo Katorroan? Manggauk meloraka, ba'tu manggauk gaja'raka? Mpasalama'riki'ka padanta' rupa tau, ba'tu mbunoriki'ka padanta' rupa tau?”

Yahya 2:25

Te'da naparallu dipangpeissenan lako Puang Isa kumua matumba sipa'na to tolino, nasaba' naissen jolo Ia to apa lan penawanna tau.

Yahya 21:17

Mangpentallunna Puang Isa ngkutanaii nakua, “Simon anakkana Yona, mupakamoja'ra'ka?” Memmassei penawanna Petrus, nasaba' pentallunmi nakutanai Puang Isa. Mebali omi Petrus nakua, “Oo Puang. Kita' nnissenni to sininna apa. Taissen kumua kupakamoja'ki'!” Nakua Puang Isa ngkuanni, “Rewai to bembala'-Ku'.

Yahya 9:4

Ianna allo unapa, la tajamai to jaman-Na to tossuana'. Ia ke bongimi, moi mesa' tau te'damo ngkullei mangjama.

Jamanna Rasulu' 20:24

Apa moi nasusi joo, te'da kucirinnai penawangku', podo wa'dingna' mpatarruhhi to jaman nasuanna' Puang Isa la llundukkii samateku' mpangpeissenanni to Kareba Kasalamatan kumua nakamaseiki' Puang Allataala.

Jamanna Rasulu' 26:26

Tomala'bihku' Raja Agripa to nnissen meloi tee. Iamo joo kubarani ntarrusan bangki' mati'. Kusanga moi mesa' te'da tangtaissen, nasaba' ia tee te'da najaji jio kampong kabunianan.

Filipi 1:28

na moi mesa' to tonnewa kamu' te'da la mikalaja'. Ia joo mpamanassai lako tonnewa kamu' kumua la nasessai Puang Allataala, apa la dipasalama' kamu'.

Ibrani 4:13

Moi mesa' to apa kepenawa te'da membuni jio olo-Na Puang Allataala. Sininna apa pajan jio olo-Na Puang Allataala. Na la tapebalii to panggaukanta' lako Puang Allataala.

1 Petrus 4:1

Mangkami Almaseh mperasai kamapa'dikan jao kaju sitamben. Iamo joo moi kamu' la sadia toda kamu' mperasaii susi to naperasai Almaseh. Sanga ia to tomangkamo mperasai kamapa'dikan susi joo cia'mo mpugauk dosa.

Pengkitanna Yahya 2:23

Sininna to tonturu'i la kubunoi too, anna issenni sininna jamaa kumua Aku' Puang to ntarruh penawanna tau. Na la kupabalahhi kamu' situru' panggaukanmi.