Lukas 6:47 - Alkitab Duri

⁴⁷ Indara to wa'ding dipasusianni to toratu lako Aku' napesa'dingngii tee kadang-Ku', anna pugaukki? Melo ke kupauan kamu'.

Lukas 6:47 ပူးပေါင်းရင်းမြစ်များ

Matius 12:50

Inda-inda to tompugauk pakkaeloran-Na Ambe'-Ku' jao suruga, iamo sile'to-Ku' sola indo-Ku'.”

Matius 17:5

Ia tonna mangkada unapa Petrus, ratumi to saleu' macorrang mbombonnii sola ngasan na den gamara nasa'ding lan mai nakua, “Iamo tee to Anak kupakamoja' to mpamasannangna'. Pesa'dingngii!”

Lukas 11:28

Apa mebalimi Puang Isa nakua, “La'bih masannang pole' opa to tompesa'dingngi kadan-Na Puang Allataala napugaukki!”

Lukas 14:26

“Ia ke den tau la ratu lako kale-Ku', apa la'bih napakamoja'i ia to indona, ambe'na, balinna, anakkana, sile'tona, iarika kalena, ia joo tau te'da nakullei menjaji tonturu'na'.

Lukas 6:48

Ia joo tau dipasusi to tolangkabua' bola, napemandalanni ngkali padang, anna kabua' pondasi jao batu. Wattunna saba' to wai sa'dan ratu ntumpai joo bola, te'da natigesu' jio ngenanna, nasaba' dipake'dehhi jao pondasi batu.

Lukas 8:13

Ia to banne ta'pah do' batu-batu dipasangrapangngi to tossa'ding kadan-Na Puang Allataala anna masannang ntarimai. Apa te'da natorro tongan lan penawanna. Te'da namasai matappa', nasaba' ianna den pecoba rratui, ta'pa balik pole'mi.

Lukas 8:8

Apa den too to ta'pah do' litak malompo. Maloboranmi, namembua manglokkon pessaratuh.” Ia tonna mangkamo Puang Isa mangngajahhi naandongngimi gamaran-Na nakua, “Ingaranni to apa mangka misa'ding, sanga ketalinga kamu'!”

Yahya 10:27

Nasa'ding bembala'-Ku' to gamarang-Ku'. Na kuissenni, naundi ngasanmi lako Aku'.

Yahya 13:17

Miissen ngasanmo tee, na masannangmo kamu' ke mipugaukki.

Yahya 14:15

Mpatarruhhi kadan-Na Puang Isa nakua, “Ia ke mipakamoja'na', la mituru' ngasan to parenta-Ku'.

Yahya 5:40

apa cia' kamu' ratu lako kale-Ku', ammiampa' katuoan melo te'da cappa'na.

Yahya 6:35

Nakua omo Puang Isa, “Aku'mo kande to mben katuoan tolino. Ia to toratu lako Aku', te'da tarruhmo nalatangbarah. Ia to tomatappa' lako Aku', te'da tarruh toomo nalamawakke.

Yahya 6:37

Sininna to tonapangben Ambe' lako Aku', iamo la ratu lako kale-Ku'. Na moi inda ke ratumi, te'da kutanglantarimai.

Yahya 8:52

Nakua to to-Yahudi ngkuan Puang Isa, “Oh, kiissenmi tee too kumua natamai tonganmiki' setang, nasaba' mangkami mate Nabi Ibrahim, mate toomi to sininna nabi, antakumua, ‘Ia to tonturu' kadang-Ku', te'da tarruhmo nalasikita kamatean.’

Ibrani 5:9

Susimi joo nadipupenjaji Tomangpasalama' te'da caccana ba'tu kakuranganna to mben katuoan melo te'da cappa'na lako tomengkaturu' lako Ia.

Yakub 4:17

Ia to tonnissen apa to melo la napugauk, apa te'da napugaukki, madosai joo tau.

1 Petrus 2:4

Ia to Puang Isa dipasirapang batu ariri petuo. Ia joo batu naca'beanmo tolino, nasaba' nasangai te'da bua'na. Apa ia ke Puang Allataala, nasanga kaminang makeangga'. Memmesa' penawa kamu' sola Puang,

2 Petrus 1:10

Ee, tomala'bihku' sola ngasan! Napileimo kamu' Puang Allataala menjaji umma'-Na anna tambai kamu' nturu'i. Iamo joo la mipengkulle-kullei nturu' pakkaeloran-Na, anna manassa lako kalemi sola tolaen kumua tongannamo kamu' napilei Puang Allataala. Na ia ke mipugaukki susi joo, te'damo milampugauk pole'i to sipa' jolomi.

1 Yahya 2:29

Miissenmo kumua, ia to Almaseh nturu' pakkaeloran-Na Puang Allataala. Iamo joo la parallu too miissen kumua ia to tonturu' pakkaeloran-Na, napuanak Puang Allataala.

1 Yahya 3:7

Ee, tokupuanak! Danggi' lalo naden tau mieloran la mpalao sala kamu'. Tomelo to nturu' pakkaeloran-Na Puang Allataala, susi Almaseh.

Pengkitanna Yahya 22:14

Masannang ia to sininna tau mangka mpemaceroi pakean malandona, nadieloran mentama joo kota nnola babangan anna wa'ding kandei to bua kaju Katuoan.