Lukas 6:30 - Alkitab Duri

³⁰ Ia ke den tau mpeta'dai kamu' apa, benni to napeta'da. Na ia ke apammi dirampa, danggi'mo mipeta'da pole'i.

Lukas 6:30 ပူးပေါင်းရင်းမြစ်များ

Kada Bulawan 19:17

Ia ke ngkamaseiki' tokaasi-asi, butung to mangpeindan lako Puang Allataala, na Puang Allataala Ia la mpabalahhi joo panggaukanta'.

Kada Bulawan 21:26

Pamula makale' ratu lako karuen ia manda napikkiri' to nakadoangngi, apa ia to tomakassing te'da naanggeii mangpangben lako padanna rupa tau.

Kada Bulawan 22:9

Nabarakka'i Puang Allataala to tomalaboh, sanga mbenni kande tokaasi-asi.

Matius 18:35

Natampakkimi Puang Isa joo curitan-Na nakua, “Susi toomi Ambe'-Ku' jao suruga, la napasusi too kamu', ke te'da midampangan tongan padammi rupa tau.”

Matius 5:39

Apa kukuan kamu' kumua, danggi' mimangpabalahhi lako to tompa'dikki penawammi. Apa sibalikanna, ia ke den tau ssala'pai to popo kananmi, patananan pissenni to popo kairimmi.

Matius 6:12

Dampangankan, susi kami' ndampangan tokasalan lako kaleki'.

Lukas 11:41

Pangbenni jolo' to penawammi lako Puang Allataala, namane' ia to panggaukanmi situru' ngasan pakkaeloran-Na Puang Allataala.

Lukas 12:33

Balukki to ewananmi mibenni tokaasi-asi. La nnangah kamu' doi' to te'da namemmatua, iamo to kasugiran dianna jao suruga. Ia joo kasugiran te'da nata'de, nasaba' te'da nakullei la naboko tau, na te'da nakullei nakande ane.

Lukas 18:22

Ia tonna sa'dingmi Puang Isa joo pebalinna, nakuanmi, “Mesa'pa to parallu la mupugauk. Malemoko mbaluk ngasanni to ewananmu, ammubenni tokaasi-asi to allinna, mumane' nnampa' kasugiran jao suruga. Ianna mangkamo joo mupugauk, undimoko nturu'na'.”

Lukas 6:29

Ia ke den tau ssala'pa popomu sangbali, patananan pissenni to sangbalinna. Ianna den tau rrampa baju landomu, ma'namo naala tooi to bajummu.

Lukas 6:31

Pugaukki lako padammi rupa tau, to apa mikadoangngi la napugauk lako kalemi.

Lukas 6:38

Mangpabengan kamu' lako tolaen, anna ben toda kamu' Puang Allataala. La naben kamu' buda, susi ke mpake pesuka' melo, to dirodo, ditemme', na diboncoi too. Nasaba' ia to pesuka' misukatan tau, la napake too Puang Allataala ssuka' kamu'.”

Jamanna Rasulu' 20:35

Budamo to kupakitan kamu' la miala palelean mata kumua sila'da'ki' mangjama ntulung to totangpakulle. La miingaran to apa mangka napau Puang Isa nakua, ‘La'bih masannang ia to mangpabengan na ia to mangtarima.’ ”

2 Korintus 8:9

Miissen kumua gaja napakamoja' kamu' Puangta' Puang Isa Almaseh. Sugih Ia, apa mpupengkaasi-asii kalena nasaba' kamu', anna ia joo kakaasi-asian-Na mpupessugih kamu'.

Efesus 4:28

Ia to tobiasa boko, danggi'mo naboko. Apa la maruruhri mangjama, naampa'i to la naputuona, nawa'ding too ntulungngi to tomakario-rio.