Lukas 6:29 - Alkitab Duri

²⁹ Ia ke den tau ssala'pa popomu sangbali, patananan pissenni to sangbalinna. Ianna den tau rrampa baju landomu, ma'namo naala tooi to bajummu.

Lukas 6:29 ပူးပေါင်းရင်းမြစ်များ

Matius 26:67

Nacikkuduimi to lindo-Na Puang Isa nasijangguru'ii na den toda to ntampelengngi,

Lukas 22:64

Nasapu'i to lindo-Na, namekutana lako, “Ee nabi! Tappuike', indara to njangguru'ko?”

Lukas 6:30

Ia ke den tau mpeta'dai kamu' apa, benni to napeta'da. Na ia ke apammi dirampa, danggi'mo mipeta'da pole'i.

Yahya 18:22

Ia tonna mangkada Puang Isa susi joo, denmi mesa' pangjaga jio ntampelengngi, nakua ngkuan Puang Isa, “Liwa' baranimmu mangkada susi tuu lako Imang Lompo!”

Jamanna Rasulu' 23:2

Ia tonna mangkada susi joo, nasuai Imang Lompo Ananias to tau jio sa'dena Paulus ssala'pai to timunna.

1 Korintus 4:11

Ratu lako too allo den kitangbarah na mawakke tookan. Ia to pakeanki', ia mandamo to kipakena. Nasessakan tau, na te'da to kinii mari'pih.

1 Korintus 6:7

Ia unapa tuu pada sipekka kamu' na mesa'mo kaditaloanmi. Ia pole' oraka to male kamu' siparapa' lako tomangra'tah to te'da namatappa'. Ciapari na te'da mipada ntaloan bangmo kalemi! La'biran ke dipaolai kamu' tangmaruruhna ba'tu diparugi kamu'!

2 Korintus 11:20

Susi to kumua mieloran bang to tau mparenta kamu' susi kaunanna, nnuraga sola nnala apammi, naangga' majao to kalena na kamu', na nggarra' kamu'!

Ibrani 10:34

Na turu' kamu' mpumasussai to toditarungku. Ia tonna rampai kamu' tau to apammi, micanninganni ati, sanga miissen kumua den unapa to apa miampui, iamo to nabassean kamu' Puang Allataala. La'bih melo ia joo, sanga te'da nalata'de.