Lukas 6:21 - Alkitab Duri

²¹ Masannang kamu' to tangbarah tee too, nasaba' la dipebarahhi kamu'. Masannang kamu' to kumarrak tee too, nasaba' la metawa kamu'!

Lukas 6:21 ပူးပေါင်းရင်းမြစ်များ

Matius 5:4

Masannang to tau masussa penawa, nasaba' la napakatana Puang Allataala.

Matius 5:6

Masannang to tau mamali' mpugauk pakkaeloran-Na Puang Allataala, nasaba' la naben Puang Allataala to apa nakamali'.

Lukas 1:53

Nabenni to totangbarah na sabarahna, na ia to tosugih nasua pole mangpala' lo'bang.

Lukas 6:20

Nakitami Puang Isa to tomenturu' lako kale-Na namangkada nakua, “Masannang kamu' tokaasi-asi, nasaba' kamu'mo umma'-Na Puang Allataala.

Lukas 6:22

Masannang kamu', ke dikaba'ci kamu', ke diula'i kamu', ke dicacca kamu', sola ke disanga kamu' togaja', nasaba' mituru'na' Aku', Anak Mentolino.

Lukas 6:25

Macilaka kamu' to barahmo tee too, nasaba' la tangbarah kamu'. Macilaka kamu' to metawamo tee too, nasaba' la masse penawammi mikumarrak.

Yahya 11:35

Nakumarrak to Puang Isa.

Yahya 4:10

Mebalimi Puang Isa nakua, “Te'da muissenni to barakka'-Na Puang Allataala na te'da too muissen kumua indara' tee mpeta'daiko wai diiso'. Ia ke la muissenni, iko pole'ra la mpeta'da wai lako Aku', angkubenko wai mangpatuo.”

Yahya 6:35

Nakua omo Puang Isa, “Aku'mo kande to mben katuoan tolino. Ia to toratu lako Aku', te'da tarruhmo nalatangbarah. Ia to tomatappa' lako Aku', te'da tarruh toomo nalamawakke.

1 Korintus 4:11

Ratu lako too allo den kitangbarah na mawakke tookan. Ia to pakeanki', ia mandamo to kipakena. Nasessakan tau, na te'da to kinii mari'pih.

2 Korintus 11:27

Gaja makkaresona', tangmekabo'jo'na' mangjama, pembudamo' tangmamma', tangkumande, tangmangngiso', puasa, macakke' na tangmangpakean.

2 Korintus 12:10

Jaji, la'bih masannangra' ke tangpakullena', ke tangdiangga'na', ke mapa'dikna', ke disessana', ke masussana', nasaba' mpangjamanna' Almaseh. Mariona', nasaba' ia to wattu kunii tangpakulle, ia toomo joo wattu nabenna' Almaseh kapakullean.

2 Korintus 6:10

Tuli mariokan, moi kiperasai kamasussan. Mpasugihmokan barakka' kasalamatan lako tobuda, moi susikan tokaasi-asi dikita. Sitonganna kiampui ngasan to sininna apa, moi susikan tote'da lalo apa kiampui.

Yakub 1:12

Masannang to tatta' matappa', nasaba' te'da namadoang dipatuju sala mpugauk dosa. Sanga la ntarima pahalana, iamo to katuoan melo mangka napasadia Puang Allataala lako to tompakamoja'i.

Pengkitanna Yahya 21:3

Angkusa'ding gamara jio mai cadokkoan mala'bih metamba nakua, “Ia to nanii mari'pih Puang Allataala lanmi tangnga-tangngana tolino. Ia to Puang Allataala torro solami tolino na ia to tolino menjaji umma'-Na, na Puang Allataala menjaji Puangna.

Pengkitanna Yahya 7:16

Te'damo anna la ssa'dingan katangbarasan, kamawakkean na allo malussu to mma'bongan kuli'na,