Lukas 6:14 - Alkitab Duri

¹⁴ Simon (to nasanga too Petrus), na Andreas to sile'tona, Yakub na Yahya, Filipus na Bartolomeus,

Lukas 6:14 ပူးပေါင်းရင်းမြစ်များ

Matius 10:2

Ia to sanganna joo sangpulo dua rasulu'-Na Puang Isa susi tee: Simon (ba'tu Petrus) na Andreas to sile'tona. Namane' dua anakkana Zebedeus, iamo to Yakub na Yahya.

Matius 10:3

Sitarruhna Filipus, Bartolomeus, Tomas, Matius to passassung, Yakub anakkana Alfeus, Tadeus,

Matius 4:18

Ia tonna lumingka-mingkamo Puang Isa jio randan Tasik Galilea, ngkitami dua tosile'to disanga Simon ba'tu Petrus sola sile'tona to disanga Andreas mangjala jiong tasik, sanga iamo jamanna.

Matius 4:21

Mpatarruhmi kalingkan-Na Puang Isa, na ngkita omo dua tosile'to disanga Yakub na Yahya anakkana Zebedeus, mpemeloi jalana lan lopi sola ambe'na. Natambai omi sola dua.

Markus 1:19

Mpatarruhmi kalingkan-Na Puang Isa, anna ngkita omo dua to sile'to disanga Yakub na Yahya, anakkana Zebedeus, mpemeloi jala lan lopinna.

Markus 1:29

Mangkai joo too, messunmi Puang Isa lan mai joo bola passambajangan, anna male sola Yakub na Yahya tama bolana Simon na Andreas.

Markus 14:33

Nasolanmi to Petrus, Yakub na Yahya. Mangpamulami masussa penawan-Na, nagaja parri' too nasa'ding.

Markus 3:16

Iamo tee sanganna joo sangpulo dua tau to napilei Puang Isa: Simon (to nasangai Petrus),

Markus 5:37

Tarruhmi male, apa te'da naeloranni to tau laen undi, saliwanna Petrus, sola Yakub na Yahya to massile'to.

Markus 9:2

Annan allona mangkanna joo, nasolanmi Puang Isa to Petrus, Yakub na Yahya, namale messarak de' buntu majao. Ia tonna ratumo de', nakitami to Puang Isa balik rupan-Na.

Lukas 5:10

Susi too to solana Simon, iamo to Yakub na Yahya anakkana Zebedeus. Nakuamo Puang Isa lako Simon, “Danggi' mumalaja'! Mammula tee too te'damo mumangjala bale. La kubenko jaman baru nnajahhi tau anna menjaji tonturu'na'.”

Lukas 5:8

Ia tonna kitami Simon Petrus joo apa jaji, mengguntu'mi jio olo-Na Puang Isa ssuju'i anna mangkada nakua, “Oo Puang, melo ke tasalaimo', nasaba' tomadosana' dikka' tee!”

Lukas 6:13

Ia tonna mariwangmo, nasuai ratu to tomenturu' lako kale-Na anna pileii sangpulo dua to nasangai rasulu', iamo to:

Lukas 6:15

Matius na Tomas, Yakub anakkana Alfeus na Simon (to disanga too tobarani),

Yahya 1:45

Malemi Filipus ntiro solana disanga Natanael napauanni kumua, “Siampa'mokan Raja Mangpasalama' to nauki' Nabi Musa sola sininna nabi laen lan sura'na tonna anu'. Iamo to disanga Puang Isa to-Nazaret anakkana Yusuf.”

Yahya 14:8

Nakua Filipus lako Puang Isa, “Oo Puang, tapakitankan joo Ambe' nasau penawangki'.”

Yahya 6:5

Mengkita mengguririkmi Puang Isa nasiassa'-assa' bangmi to tau ratu lako Ia, mangkadami lako Filipus nakua, “Umbomo la dinii nnalli kande nawa'ding kumande ngasan tee tau?”

Yahya 6:8

Den mesa' anak gurun-Na Puang Isa disanga Andreas, sile'tona Simon Petrus, mangkada nakua,

Jamanna Rasulu' 1:13

Ia tonna mentamamo kota, endekmi de' kamara' jaonan to nanii torro unamo Petrus sola Yahya, Yakub sola Andreas, Filipus sola Tomas, Bartolomeus sola Matius, Yakub anakkana Alfeus, Simon tobarani sola Yudas anakkana Yakub.

Jamanna Rasulu' 12:2

Napangpesuanni to sile'tona Yahya disanga Yakub, napa'dangngii namate.

2 Petrus 1:1

Ee, tomala'bihku' sola ngasan! Pada matappa'miki' lako Puangta' Puang Isa Almaseh, nasaba' kamarurusan-Na. Iamo Puang Allataala, Tomangpasalama'ta'. Aku' Simon Petrus, taun-Na ba'tu rasulu'-Na, ngkiringan kamu' tee sura'.