Lukas 5:30 - Alkitab Duri

³⁰ Tangmasannang to ba'tu pira-pira to-Farisi sola guru agama, to nturu' toda pangngajaranna to-Farisi, anna kutanaii to anak gurun-Na Puang Isa nakua, “Ciapari mikumande sola passassung na totangnturu' atoran agama?”

Lukas 5:30 ပူးပေါင်းရင်းမြစ်များ

Matius 5:46

Sitonganna, ia ke mipakamoja'i to tompakamoja' kamu', te'da miampa'i to pahalami jao suruga, nasaba' moi passassung napugauk toda susi joo.

Matius 9:11

Denmi to-Farisi ngkitai anna kutanaii to anak gurun-Na Puang Isa nakua, “Ciapari nakumande ora gurummu sola passassung na totangnturu' atoran agama?”

Markus 2:16

Den ba'tu pira-pira guru agama jio mai to-Farisi ngkita Puang Isa kumande sola passassung na tonasangamo tau togaja'. Iamo joo, anna kutanaii to anak gurun-Na Puang Isa nakua, “Ciapari nakumande ora gurummu sola passassung na totangnturu' atoran agama?”

Markus 9:16

Mekutanami Puang Isa lako anak gurun-Na nakua, “Apara misite'gehhi sola guru agama?”

Lukas 18:11

Ke'deh mesami joo to-Farisi namassambajang nakua, ‘Oo Puang, mangkurru sumanga'na' mati' kalemi, nasaba' te'da aku' kususi tau laen. Te'da kumangrampa, te'da kumasa'ga', te'da kumanggauk sala, na te'da too kususi joo passassung.

Lukas 19:7

Sipangnuku-nukuan ngasanmi to tongkitai joo nakua, “Wah, naleppang ora Ia jio bolana togaja'.”

Lukas 5:17

Den pissen, tonna mangngajahhi Puang Isa, naden toda ba'tu pira-pira to-Farisi sola guru agama cumadokko jio. Denni to ratu jio mai kampong lili'na tana Galilea na tana Yudea na den too to ratu jio mai kota Yerusalem. Kuasan-Na Puang Allataala napake to Puang Isa, anna mpamalagah tomasaki.

Lukas 5:21

Pada mangkada lanni penawanna joo guru agama sola to-Farisi nakua, “Indara ia tee tau? Gaja barani Ia mpapada Puang Allataala kale-Na! Te'da tau wa'ding ndampangan tomadosa, saliwanna Puang Allataala.”

Lukas 7:34

Na ratu omo' Aku', Anak Mentolino, kukumande sola mangngiso', mikua omo kua, ‘Kitai joo tomaullak, pangngiso', soba'na passassung sola togaja' sipa'na.’

Lukas 7:39

Ia tonna kitami Simon to-Farisi to apa napugauk joo baine, mangkadai lan penawanna, “Ia kenna la nabi tee tau, la naissen ia kumua tomatumbara joo baine ssapuii. Tantu la naissen kumua tomadosa!”

Jamanna Rasulu' 23:9

Marongkami to tau. Ba'tu pira-pira guru agama torroan to-Farisi, ke'deh malea-lea tongan massite'geh nakua, “Ianna kami' te'da lalo ia salana tee tau moi sangkanuku malotong! Mbai den ia roh iarika malaeka' mpangkadaii!”