Lukas 5:24 - Alkitab Duri

²⁴ Apa ia tee wattu la kupakitan kamu', kumua makuasana' Aku', Anak Mentolino, ndampangan tomadosa lan tee lino. Iamo joo kukua lako tee tokupi', ‘Ke'dehmoko, angka'i tuu ampahmu, mupole.’ ”

Lukas 5:24 ပူးပေါင်းရင်းမြစ်များ

Daniel 7:13

Kukita tarruh lan tindoku' joo bongi, na den kukita susi Anak Mentolino ratu jao mai langi' nabombonni saleu', nadisolan male mangngolo lako Puang to tuo te'da anggena.

Matius 16:13

Malemi Puang Isa lako siandahna kota Kaisarea Filipi. Ia tonna ratumo lako, nakutanaimi to anak gurun-Na nakua, “Ia ke pahangna tau, indara nasanganna' tee Aku', Anak Mentolino?”

Matius 25:31

Mpatarruhhi kadan-Na Puang Isa nakua, “Ia ke ratu pole'na' Aku', Anak Mentolino, sola sininna malaeka'-Ku' mpupangngarrang kamala'biran-Ku', la cumadokkona' jao cadokkoan mala'bih, angkumangparenta susi Raja.

Matius 26:64

Mebalimi Puang Isa nakua, “Ie', susi tuu tapaunna, Aku'mo. Katappa'i kumua, mammula tee wattu, la mikitana' tee Aku', Anak Mentolino, cumadokko jio sa'de kanan-Na Puang Allataala to makuasa, na la ratuna' jao mai langi' lan saleu'!”

Matius 28:18

Nakandoppi'mi to anak gurun-Na namangkada nakua, “Sininna kuasa la jao suruga, la lan lino, mangkamo diben lako Aku'.

Matius 4:24

Kaissenanmi to Puang Isa ratu re' tana Siria. Iamo joo nasabuda-budanna tau ratu lako kale-Na ssolan tomasaki to mangrupa-rupa sakinna sola kamapa'dikan, susinna tonatamai setang, tota'taran sola tokupi', napamalagahhi.

Matius 9:6

Apa ia tee wattu la kupakitan kamu' kumua, makuasana' Aku', Anak Mentolino, ndampangan tomadosa lan tee lino.” Iamo joo nakua lako tee tokupi', “Ke'dehmoko, angka'i tuu ampahmu, mupole.”

Lukas 5:13

Nne'te'mi liman-Na Puang Isa, nakaka'i nakua, “Melohna', malagahmoko!” Ia joo wattu ta'pa melomi to kalena.

Lukas 5:18

Naden tau ratu mbulle mesa' tokupi' dipamamma' bang jiong ampahna. Nnangah lalan umbo nakua la mbawai tama bola lako Puang Isa.

Lukas 5:23

Umbonnara marawa, dikuaraka, ‘Didampanganmoko’, ba'tu dikuaraka, ‘Ke'dehmoko mulumingka.’

Lukas 7:14

Nakandoppi'mi Puang Isa joo bullean nakaka'i. Kenden ngasanmi to tomamulle. Mangkadami nakua, “Ee, mane, mi'cikko!”

Lukas 8:54

Natoemi Puang Isa to limanna joo pea namangkada nakua, “Ee becce', mi'cokko!”

Yahya 11:43

Ia tonna mangkamo mangkada susi joo, nnandongmi gamaran-Na nakua, “Oo Lazarus, messunko mai!”

Yahya 17:2

Tapakuasamo' ngkuasaii to sininna tolino, jaji kuasa toomo' mbenni katuoan melo te'da cappa'na to totapangbenmo lako Aku'.

Yahya 3:13

Na moi mesa' tau te'dapa ia endek de' suruga, apa mane' Aku'ra tee, Anak Mentolino, to pole jaomo mai.

Yahya 5:27

Mangka toomo mpangben kuasa lako Aku' la rra'tah kara-karana tolino, nasaba' Aku'mo Anak Mentolino.

Jamanna Rasulu' 14:10

Naandongngi mangkada ngkuanni, “Ke'deh maruruhko!” Ta'pa ke'dehmi, nalumingka.

Jamanna Rasulu' 5:31

Napamatande napajioi sa'de kanan-Na, namenjaji Raja Mangpasalama', dikua anna den wattunna to bangsa Israel namengkatoba' jio mai dosana na didampangan.

Jamanna Rasulu' 9:34

Nakuanni Petrus, “Ee Eneas! Napamalekeko Puang Isa Almaseh. Ke'dehko lulunni tuu ampahmu.” Ta'pa ke'deh bang unami Eneas.

Jamanna Rasulu' 9:40

Nasua ngasanni Petrus messun, namengguntu' massambajang. Ia tonna oloimi joo batang rabukkuna nakuanni, “Ee Tabita, mi'cokmoko!” Ta'pa mpami'cikmi matanna, nami'cok cumadokko tonna kitai to Petrus.

Pengkitanna Yahya 1:13

Den mesa' tau ke'deh lan tangnga-tangngana susi Anak Mentolino to mpake baju malando ratu do' aje-Na na ia to babara'-Na ditutu'i bulawan.