Lukas 5:20 - Alkitab Duri

²⁰ Ia tonna issenmi Puang Isa matumba kamatapparanna tuu lako tau, mangkadami lako joo tokupi', nakua, “Ee todipusile'to, didampanganmoko.”

Lukas 5:20 ပူးပေါင်းရင်းမြစ်များ

Matius 9:2

Denmi mesa' tokupi' nabulle tau lako Puang Isa, dipamamma' bang jiong ampah. Ia tonna issenmi Puang Isa matumba kamatapparanna tuu lako tau mangkadami lako joo tokupi', nakua, “Ee anak-Ku'! Pemalapuhhi penawammu. Didampanganmoko.”

Matius 9:5

Umbonnara marawa, dikuaraka, ‘Didampanganmoko’, ba'tu dikuaraka, ‘Ke'dehmoko mulumingka.’

Markus 2:5

Ia tonna issenmi Puang Isa matumba kamatapparanna tuu lako tau, mangkadami lako joo tokupi', nakua, “Ee anak-Ku', didampanganmoko.”

Lukas 7:48

Nakuamo Puang Isa lako joo baine, “Didampanganmoko.”

Yahya 2:25

Te'da naparallu dipangpeissenan lako Puang Isa kumua matumba sipa'na to tolino, nasaba' naissen jolo Ia to apa lan penawanna tau.

Yahya 5:14

Ia tonna sitammu pole' omo lan Bola Puang Allataala nakuamo Puang Isa, “Malagahmoko tuu too, danggi'mo mupugauk pole' dosa anna danggi' mumasessa pole' to la'bih mabanda'.”

Jamanna Rasulu' 11:23

Na ia tonna ratumo lako, gaja sannangngi ngkitai, sanga nabarakka'i Puang Allataala to tau jio. Namangngajahhi nakua anna tatta' nturu' Puang.

Jamanna Rasulu' 14:9

Cumadokko bangngi mpesa'dingngi Paulus tonna mangngajahhi. Nakaje'jekki Paulus naissenni kumua matappa' joo tau anna wa'ding dipamaleke.

2 Korintus 2:10

Ia ammidampanganni to tomangka mpugauk kasalan lako kalemi, moi aku' kudampangan tooi. Nasaba' ia ke denni to parallu didampangan, kudampanganni sanga Almaseh, ammipumeloi.

Kolose 3:13

Sisabbarasan kamu' ke denni to sala lako kalemi, ammidampanganni. Susi Puang Allataala mangka ndampangan kamu', susi too to tau laen la midampangan.

Yakub 2:18

Apa mbai den to mangkada kumua, “Den tau matappa' manda, den too tau mpugauk manda panggaukan melo.” La kukua mpebalii, “Pakitanna' umbo nakua to tau matappa' ke te'dai napasiolanan panggaukanna, angkupakitanni panggaukan to mpamanassai kumua den kamatapparanku'.”