Lukas 5:17 - Alkitab Duri

¹⁷ Den pissen, tonna mangngajahhi Puang Isa, naden toda ba'tu pira-pira to-Farisi sola guru agama cumadokko jio. Denni to ratu jio mai kampong lili'na tana Galilea na tana Yudea na den too to ratu jio mai kota Yerusalem. Kuasan-Na Puang Allataala napake to Puang Isa, anna mpamalagah tomasaki.

Lukas 5:17 ပူးပေါင်းရင်းမြစ်များ

Matius 11:5

Pakitamo to tobuta, lumingkamo to tokupi', dipamalagahmo to tomasolak, pasa'dingmo to tomataru, dipatuomo to tomate, na dipangpeissenanmo to Kareba Kasalamatan lako tomakario-rio.

Matius 15:1

Den ba'tu pira-pira to-Farisi sola guru agama jao mai kota Yerusalem ratu ssikitan Puang Isa. Mekutanami lako nakua,

Markus 1:45

Apa ia tee tau male bangmi nacurita to apa jaji lako kalena. Napusaba'i namembuni bangmira Puang Isa ke mentamai kota, natorro bangmo saleanan kota jio pallawangan. Apa moi nasusi joo, saratu-ratunna bang to tau jio mai buda kampong lako to nanii Puang Isa.

Markus 16:18

Ianna ntoe ulah bolong, ba'tu nniso' racun, te'da namatumba. Ianna kaka'i tuu lako tomasaki, la malagah.”

Markus 3:22

Ia to guru agama to ratu jao mai kota Yerusalem mangkada nakua, “Natamaimi Beelzebul, ba'tu puanggawana setang! Jaji kuasanna puanggawana setang napake nnula'i setang.”

Markus 5:30

Ta'pa naissen Puang Isa kumua den kuasa messun lan mai kale-Na. Iamo joo namessaile lako tobuda, anna mekutana nakua, “Indara to ngkaka' baju lando-Ku'?”

Markus 7:1

Den ba'tu pira-pira to-Farisi sola guru agama jao mai kota Yerusalem ratu ssikitan Puang Isa.

Lukas 15:2

Mangnuku-nukui to to-Farisi sola guru agama nakua, “Wah, nasiama' ora Ia togaja' nakumande sola!”

Lukas 2:46

Ia tonna tallung allomo, mane'ri naampa' cumadokko lan Bola Puang Allataala, mpesa'dingngi pangngajahna guru agama na sisulle to sikutana.

Lukas 5:21

Pada mangkada lanni penawanna joo guru agama sola to-Farisi nakua, “Indara ia tee tau? Gaja barani Ia mpapada Puang Allataala kale-Na! Te'da tau wa'ding ndampangan tomadosa, saliwanna Puang Allataala.”

Lukas 5:30

Tangmasannang to ba'tu pira-pira to-Farisi sola guru agama, to nturu' toda pangngajaranna to-Farisi, anna kutanaii to anak gurun-Na Puang Isa nakua, “Ciapari mikumande sola passassung na totangnturu' atoran agama?”

Lukas 6:19

Napengkulle-kullei ngasan tuu lako tau ngkaka' Puang Isa, nasaba' den kuasa messun lan mai kale-Na mpamalagah tau.

Lukas 7:30

Apa ia to to-Farisi na guru agama cia'i ntarima akkatta-Na Puang Allataala to mpatu kalena, nacia'i najio' Nabi Yahya.

Lukas 8:46

Apa nakua Puang Isa, “Den tau ngkaka'na'. Kuissenni joo, sanga den kuasa messun lan mai kale-Ku'.”

Yahya 3:10

Mebalimi Puang Isa nakua, “Oo, gurunnako to-Israel anna te'da muissenni battuananna tee kadang-Ku'!

Yahya 3:21

Apa ia to tompugauk pakkaeloran-Na Puang Allataala, ratu ia lako arrang, anna menjaji manassa to kumua ia to panggaukanna situru'mo pakkaeloran-Na Puang Allataala.”

Jamanna Rasulu' 19:11

Puang Allataala mbenni kuasa to Paulus mpugauk tanda liwa' mejangngaran.

Jamanna Rasulu' 4:30

Papajanmi to kuasan-Ta', angkiwa'ding mpamalagah tomasaki, sola mpugauk tanda mejangngaran mpake kuasan-Na Puang Isa, kaunan mattantun-Ta'.”

Jamanna Rasulu' 5:34

Apa den mesa' to-Farisi Pangbicara Agama, disanga Gamaliel. Ia tee Gamaliel guru agama nakasiri' ngasan tau. Ke'dehhi ssua tau mbawai joo rasulu' lako salean jolo',