Lukas 4:43 - Alkitab Duri

⁴³ Apa mebalii Puang Isa nakua, “Ia to Kareba Kasalamatan kumua la ratumi Puang Allataala mangparenta susi Raja, la kupangpeissenan too jio kota laen, nasaba' iamo nasuanna' Puang Allataala mentama lino.”

Lukas 4:43 ပူးပေါင်းရင်းမြစ်များ

Matius 4:23

Male bangmi to Puang Isa mpasitarruh-tarruh kampong jio tana Galilea, namangngajahhi lan bola passambajangan, mpangpeissenan Kareba Kasalamatan kumua la ratumi Puang Allataala mangparenta susi Raja, na mpamalagah mangrupa-rupa sakinna tau.

Markus 1:35

Masawanna tonna marimu-rimu unapa, mi'cokmi to Puang Isa namessun lan mai joo bola nanii mangbongi. Malemi lako pallawangan namassambajang ntuu jio.

Yahya 20:21

Nadadu' pole'i Puang Isa mangkada nakua, “Salama' kamu', mimasannang. Susi Ambe' ssuana', susi toomi Aku' ssua kamu'.”

Yahya 9:4

Ianna allo unapa, la tajamai to jaman-Na to tossuana'. Ia ke bongimi, moi mesa' tau te'damo ngkullei mangjama.

Jamanna Rasulu' 10:38

Miissenmo kumua ia joo Puang Isa to-Nazaret mangkamo napilei Puang Allataala, naben tooi Roh Allataala sola kuasa. Miissen toomo kumua tuli malei mpugauk kameloan umbo-umbo nanii, na nnula'i setang lan mai kalena tonatamai, nasaba' Puang Allataala ssolanni.

2 Timotius 4:2

ammupangpeissenanni to Kareba Kasalamatan lako tau, madoangrika ba'tu cia'rika, na la mupakainga' na mupapahangngi tooi to kasalanna. Apa la mupaendek tooi sumanga'na na musabbara' nnajahhii.