Lukas 4:40 - Alkitab Duri

⁴⁰ Ia tonna la kabuhmo allo, budami tau ratu mbawa sininna repokkona to mangrupa-rupa sakinna lako Puang Isa. Pada nakaka'i tuu lako tomasaki namalagah ngasan.

Lukas 4:40 ပူးပေါင်းရင်းမြစ်များ

Matius 11:5

Pakitamo to tobuta, lumingkamo to tokupi', dipamalagahmo to tomasolak, pasa'dingmo to tomataru, dipatuomo to tomate, na dipangpeissenanmo to Kareba Kasalamatan lako tomakario-rio.

Matius 14:13

Ia tonna sa'dingngi Puang Isa joo kareba kumua matemi to Nabi Yahya, messarakmi namale mesa sola anak gurun-Na manglopi mangnguju lako padang pallawangan. Apa naissenni tobuda, nasimessunan lan mai kampongna nannola gantanan njoloii to Puang Isa sola anak gurun-Na.

Markus 3:10

Gaja buda tau napamalagah Puang Isa. Iamo joo nasisi'pin-si'pinni bangmi to tomasaki mpendete'ii, la ngkaka'i.

Markus 5:23

namengkamalah-malah tongan lako nakua, “Oo Puang, ia to becce'ku' nnadangmi. Ia ke wa'dingngi, antamalepa ngkaka'i, namalagah, anna danggi' namate!”

Markus 6:5

Jangngahhi Puang Isa, nasaba' te'da nakatappa'ii tau. Iamo joo na te'da nampugauk tanda mejangngaran jio kampong-Na, saliwanna ba'tu pira-pira tomasaki nakaka' mandai namalagah. Mangkai joo too, malemi Puang Isa lako ba'tu pira-pira kampong mangngajahhi.

Jamanna Rasulu' 19:12

Ianna dibawan tomasaki to saputanganna iarika kaen puramo napake Paulus, malagahhi, napessunni tooi setang.

Jamanna Rasulu' 5:15

Susimi joo, to tanda mejangngaran napugauk rasulu', arannai ia to tomasaki dikolong lako randan lalan nadipajao katindoan iarika ampah, dikua na moi bajo-bajona bangra Petrus ngkannai ke nnola jioi, wa'ding napumalagah tomasaki.