Lukas 24:32 - Alkitab Duri

³² Sipangkada-kadami sola dua nakua, “Gaja endek sumanga'ta' tonna pangkadaiki' jio tangnga lalan, sola mpauanki' battuananna issinna to Sura' Allataala!”

Lukas 24:32 ပူးပေါင်းရင်းမြစ်များ

Kada Bulawan 27:17

Susi piso dipasisangeh la memmataran, susi toomi to tolino melajah macca jio mai soba'na.

Kada Bulawan 27:9

Masannangki' nnudukki to minynya'-minynya' busarungngu' ba'tu minynya' pandere', apa la'bih mepamasannang to kalantukan penawanna soba'ta' mepakainga'.

Markus 4:34

Te'da bang natangmpake pangpasusian, ke nnajahhii tobuda. Apa ianna anak gurun-Na manda nasolan, napamanassan ngasanni.

Lukas 24:45

Napamacorami Puang Isa to tangngahna napahangngi to issinna Sura' Allataala.

Yahya 6:63

Roh Allataala to naputuo tau. Te'da lalo pakullena to tolino. Ia tee kada kupauan kamu', iamo kadan-Na Roh Allataala to mpangben katuoan.

Jamanna Rasulu' 28:23

Mpattantumi mesa' allo sola Paulus nanii la sitammu. Ia joo allo buda tau ratu lako to nanii Paulus. Mellao melambi' ratu lako soloh allo naajahhi ngasan to tau umbo nakua menjaji taun-Na Puang Allataala lan kaparentan-Na. Napabuttii jio mai sura'na Nabi Musa na sura'na nabi laen kumua Raja Mangpasalama' to Puang Isa, to napau Puang Allataala tonna anu'.

Ibrani 4:12

Kada tuo na mawatang too to kadan-Na Puang Allataala, na la'bih mataran na ia to pa'dang mataran patomali. Susi pa'dang ntarruh kale ratu lako panglesoan na buku lampa, susi too kadan-Na Puang Allataala ntarruh penawa nnissen pikkirisanna sola akkalanna tolino.