Lukas 23:34 - Alkitab Duri

³⁴ Massambajangngi Puang Isa nakua, “Oo, Ambe', dampanganni tee mai tau! Te'da naissenni apa to napugauk.” Namane' lotereii surudadu to pakean-Na la nanii nnissenni kumua umbonnara to la naputawa.

Lukas 23:34 ပူးပေါင်းရင်းမြစ်များ

Matius 11:25

Ia joo wattu massambajangmi Puang Isa nakua, “Oo Ambe', Puangna langi' sola lino. Mangkurru sumanga'na' lako Ambe', nasaba' ia ngasan joo tabunianan lako tomandalan pahangna sola tomacca, tapangpeissenanmi lako totangpaissen.

Matius 11:26

Oo Ambe', iamo tapumasannang.”

Matius 5:44

Apa kukuan kamu' kumua, pakamoja'i to ewalimmi, mipassambajanganni to tompakario-rio kamu',

Markus 15:24

Napampangmi to Puang Isa tonna tatte' kasera makale', namane' lloterei to pakean-Na la nanii nnissenni kumua umbonnara to la naputawa.

Lukas 22:42

nakua, “Oo Ambe', ia ke wa'dingngi, lendokanni tee kamaparrisan jio mai kale-Ku', apa tangngia pakkaeloran-Ku' to la jaji, apa pakkaeloran-Na ia Ambe'.” [

Yahya 17:9

Kupassambajanganmo tuu lako tau. Te'da kupassambajangan ngasanni to tolino, apa ia mandara to tomangkamo tabenna', sanga taun-Ta' tuu lako tau.

Yahya 19:11

Mebalii Puang Isa nakua, “Ianna te'da nabenki' Puang Allataala joo kuasa, te'da lalo takullei ngkuasaina'. Iamo joo, na ia to tompangpejokkoanna', la'bih matonggo ia dosana na kita'.”

Jamanna Rasulu' 16:28

Apa metambai Paulus ngkuanni, “Danggi' mibuno kalemi! Inde' ngasan unakan!”

Jamanna Rasulu' 3:17

Ee, todipusile'to, kamu'mo sola torroan pekaamberanmi mpangpebunoan Puang Isa. Kuissen kumua ia mipugaukki susi joo, sanga te'da mipahangngi.

Jamanna Rasulu' 7:60

Namane' mengguntu' naandongngii mangkada nakua, “Oo Puang, danggi' dikka' tapapassannii to dosana tee tau!” Mangkanna mangkada susi joo, matemi.

Roma 12:14

Passambajanganni ke denni tau ssessa kamu', nabarakka'ii Puang Allataala, danggi' natampakkii ropu.

1 Korintus 2:8

Moi mesa' to tongkuasaii tee lino te'da nnissenni. Sanga ia ke la naissenni, tantu te'damo anna la mpampangngi joo Puang mala'bih jao kaju sitamben.

1 Korintus 4:12

Kipengkullei tongan nnangahhi to la kikandena. Ianna tampakkikan ropu tau, kibarakka'i. Ianna sessakan, sabbara'kan.

1 Timotius 1:13

moi kupau gaja'i tonna jolona angkupakario-rioi to tonturu'i. Apa nakamaseina' Puang Allataala, sanga ia joo wattu te'da kuissenni to apa kupugauk, nasaba' te'dapa kumatappa'.

1 Petrus 3:9

Ia ke denni tau mpugauk kagajatan lako kamu', danggi' mipabalahhii. Na ia ke denni tau ngkada-kadai kamu', danggi' too mipabalahhii. La'bih melo ke mipassambajanganni lako Puang Allataala nabarakka'ii joo tompugauk kagajatan. Napilei kamu' Puang Allataala menjaji umma'-Na ammipeta'danni barakka' to padammi rupa tau. Ia ke mipugaukmi susi joo, la nabarakka'i toda kamu' Puang Allataala.