Lukas 22:37 - Alkitab Duri

³⁷ Pugaukki joo, nasaba' la jajimo tee too to diuki' lan Sura' Allataala, to mpauna', nakua, ‘Dikita togaja'i.’ ”

Lukas 22:37 ပူးပေါင်းရင်းမြစ်များ

Markus 15:27

Den toda dua parampo' nasolan Puang Isa dipampang, mesa' jio sa'de kanan-Na na mesa' jio sa'de kairin-Na. [

Markus 15:28

Susimi tee najaji to diuki' lan Sura' Allataala kumua, “Disangai togaja'.”]

Lukas 18:31

Natambaimi Puang Isa to sangpulo dua anak gurun-Na nakuanni, “Pesa'dingngii! Mangngujumiki' de' kota Yerusalem tee too, anna jaji sininna to mangka nauki' nabi tonna anu' mpauna' tee Aku', Anak Mentolino.

Lukas 22:22

Ia tee Aku' Anak Mentolino, nang la matena', susi to pura napattantu Puang Allataala. Apa macilaka to tompangpejokkoanna'!”

Lukas 22:36

Nakuamo Puang Isa, “Apa ia tee wattu, ia ke denni karappe'mi iarika sepu'mi, bawai. Na ia ke te'dapi pa'dangmi, mibalukki to baju landomi miallianni pa'dang.

Lukas 22:52

Nakua Puang Isa lako kapala imang sola kapala pangjagana Bola Puang Allataala na pekaamberan to-Yahudi to ratu ntuu jio la njokkoi, “Misangaraka parampo'na', ammiratu sitakin pa'dang sola mbawa tarasulu' la njokkona'?

Lukas 23:32

Den toda dua togaja', nasolan surudadu la dipasibuno sola Puang Isa.

Lukas 24:27

Mangkai joo too nabattuanannimi Puang Isa to apa pura diuki' lan Sura' Allataala to ntuju kalena. Napamula jio mai sura'na Nabi Musa ratu lako sura'na nabi laen.

Yahya 10:35

Miissen kumua te'damo nawa'ding dita'dei to diuki' lan Sura' Allataala. Jaji ia ke den diuki' lan Sura' Allataala kumua Puang Allataala ssangai allataala to tontarimai to kadan-Na,

Yahya 17:4

Mangkamo' mpakala'bihki' lan tee lino, nasaba' mangkamo' njamai to jaman tasuanna'.

2 Korintus 5:21

Puang Allataala mpabalahhi Almaseh moi na te'da namadosa. Ia ssulleki', nasaba' dosata', anna pupenjaji tomeloki' nasaba' memmesa' penawaki' sola Almaseh.

Galatia 3:13

Mangkamiki' nala'bak Almaseh jio mai tampak ropu to napaden atoran agama lako kita', nasaba' te'da takullei nturu'i. Iari ssulleki' nakanna tampak ropu, susi to diuki' lan Sura' Allataala kumua, “Tampak ropu to sininna tau to mate dipampang jao kaju.”