Lukas 22:32 - Alkitab Duri

³² Apa mangkamo' mpassambajanganko ammuda'tan matappa'. Na ia mumengkatoba'mo, la mupamawatang kamatapparanna to padammu tomatappa'.”

Lukas 22:32 ပူးပေါင်းရင်းမြစ်များ

Matius 18:3

Nakua, “La miingaran tee kadang-Ku' kumua, ia ke te'da mipatorro sipa' jolomi, ammisusi pea, te'da milamenjaji umma'-Na Puang Allataala.

Matius 26:75

Naingaranmi Petrus to apa mangka nakuanni Puang Isa kumua, “Te'dapa nakekkua to manuk, mupentallunmo mpessakkannina'.” Ta'pa kumarrakmi Petrus nna'de-a'de, namale lako salean.

Markus 14:72

Ia joo wattu kekkua penduanmi to manuk. Naingaranmi Petrus to apa mangka nakuanni Puang Isa kumua, “Te'dapa nakekkua penduan to manuk, mupentallunmo mpessakkannina'.” Ta'pa kumarrakmi Petrus nna'de-a'de.

Markus 16:7

Ia tee too, malemo kamu' madoi' mpauanni to anak gurun-Na Puang Isa sola Petrus kumua, ‘Malemi njoloi kamu' re' tana Galilea, na jiopa la minii ngkitai, susi to mangka napauan kamu'.’ ”

Lukas 8:13

Ia to banne ta'pah do' batu-batu dipasangrapangngi to tossa'ding kadan-Na Puang Allataala anna masannang ntarimai. Apa te'da natorro tongan lan penawanna. Te'da namasai matappa', nasaba' ianna den pecoba rratui, ta'pa balik pole'mi.

Yahya 14:19

Cingga'tu'mora na te'damo nakitana' tolino. Apa ia to kamu' la mikitana'. La tuo kamu', nasaba' tuona'.

Jamanna Rasulu' 3:19

Ee todipusile'to! Iamo joo la mpenassanni kamu' dosami mimengkatoba', mimenturu' lako Puang Allataala anna dita'dei to dosami,

Roma 8:32

Na ia to Puang Allataala te'da napangnganggai to Anak mperasai parri', kannori napangben menjaji karoba lako kita' sola ngasan. Umbora nakua tanglambenki' to laenna?

Roma 8:34

Te'da ia tau ngkullei ncallaki', sanga Puang Isa Almaseh la mpangkadananki'. Iamo to mangka mate, natuo pole' na cumadokkomo sola Puang Allataala.

2 Timotius 2:18

Te'damo namenturu' lako pangngajaran tongan, na mpalao sala kamatapparanna tau. Mangkadai kumua, ia to katuoan pole' jio mai kamatean mangkami ia jaji.

Titus 1:1

Ee, Titus to kupuanak! Aku', Paulus, mesa'na' taun-Na Puang Allataala na rasulu'-Na Puang Isa Almaseh ngkiringanko tee sura'. Dipileina' angkuajahhi to tonapilei Puang Allataala, namatappa' tongan. Dipilei toona' mpatuju ngasanni, anna issenni to pangngajaran tongan, natuo situru' pakkaeloran-Na Puang,

Ibrani 12:15

Ingaranni danggi' naden moi mesa' tau cia'mo ntarimai to barakka'-Na Puang Allataala. Ingaranni danggi' naden tau susi to waka' mapai' mpaden kamaba'cian lako padanna rupa tau anna situmang-tumang.

Ibrani 7:25

Iamo joo na te'da lalo natorroii mpasalama' tau to mangngolo lako Puang Allataala mpau sangan-Na, sanga tuo tarruhhi la mpangkadananni lako Puang Allataala.

1 Petrus 1:1

Ee, tomala'bihku' sola ngasan, to napileimo Puang Allataala menjaji umma'-Na! Aku' Petrus rasulu'-Na Puang Isa Almaseh nnuki'i tee sura' lako kamu' to titaleh jio propinsi Pontus, Galatia, Kapadokia, Asia na Bitinia, to torro jio susi tomentoratu lan tangnga-tangngana totangnturu' Puang Allataala.

1 Petrus 1:13

Jaji, pasadia meloi to penawammi, sanga ia joo apa mangka napugauk Puang Allataala. Ta'tanni kalemi, miparannuan tonganni joo barakka' la diben kamu' ke ratu pole'mi Puang Isa Almaseh.

1 Petrus 1:5

La naben ngasan kamu' joo, nasaba' matappa' kamu' lako Puang Allataala. Jaji, naampai kamu' kuasan-Na Puang Allataala, ammitarima kasalamatan to sadiamo la naben kamu' ke Kiama'mi lino.

2 Petrus 3:14

Ee, tomala'bihku' to kupakamoja'! Da'tan una kamu' ntajanni joo wattu, la mipengkulle-kullei sikalino padammi rupa tau anna te'da caccami ba'tu kakuranganmi ke mangngolomo kamu' lako Puang Allataala.

1 Yahya 2:19

Ia to tonnewa Almaseh solata' jolona, apa sitonganna tangngia solata'. Ia ke solata'i, tantu torro unapi ssolanki'. Apa messarakki jio mai kita', anna manassa kumua moi mesa' jio mai tuu lako tau tangngia solata'.