Lukas 22:31 - Alkitab Duri

³¹ Nakuamo Puang Isa, “Ee Simon, ee Simon pesa'dingngii! Dieloranmo to Ballisi' ssedeko, susi gose' dirido nadita'pii, anna sisarak issinna na sowokkona.

Lukas 22:31 ပူးပေါင်းရင်းမြစ်များ

Amos 9:9

Mangkada-I Puang Allataala Nakua, “Ia to to-Israel to torro lan tangnga bangsa laen, la Kupupessarakki jio mai togaja' sipa'na susi pande batu mangtanda' kassi'. Na susi batu to torrona, susimi joo to togaja' sipa'na dipatorro leko' la disessa.

Matius 26:30

Mangkai joo too, mpakkelonganmi kelong pangpujian, namane' male de' Buntu Zaitun.

Matius 4:10

Mebalimi nakua, “Ee Ballisi', malaiko! Den diuki' lan Sura' Allataala kumua, ‘La ssompako Puangmu, Puang Allataala, na Ia manda to la mupu-Puang.’ ”

Lukas 10:41

Mebalimi Puang Isa nakua, “Ee Marta, buda bang to mupuselang sola mupikkiri'.

Jamanna Rasulu' 9:4

Tipessambakki do' padang na den gamara nasa'ding metamba nakua, “Ee Saulus! Ee Saulus! Matumbai musessa tarruh bangna'?”

1 Korintus 5:5

la mialai lan mai tangnga-tangngami joo tau ammisorongngi lako kuasanna Ballisi' anna masolang to batang kalena, na ia to penawanna dipasalama', ke ratu pole'mi Puang Isa rra'tah kara-karana tolino.

2 Korintus 2:11

Kupugaukki susi joo, nadanggi' nataloiki' Ballisi', sanga taissenmo to pangtangngaranna.

1 Petrus 5:8

La sadia kamu', ammimajaga! Nasaba' ia to ewalimmi Ballisi' susi bang singa lumingka male lako male jio mai, namangngaung-ngaung nnangahhi to la nakandena.

Pengkitanna Yahya 12:10

Angkusa'ding gamara liwa' tonggo jao suruga nakua, “Mammula tee too napasalama'mi Puang Allataala to umma'-Na. Ia toomo tee nanii mpangpekitan kuasan-Na Puangta' susi raja. Napangpekitan todamo kuasan-Na to Raja Mangpasalama' to napileanki'. Jaji ngasanmi susi tee, nasaba' ia to Ballisi' tomparapa' tarruh bang padanta' tomatappa' jio olo-Na Puangta' Puang Allataala mangkami diula'i lan mai suruga.