Lukas 22:19 - Alkitab Duri

¹⁹ Mangkai joo too, nnalami roti, namangkurru sumanga' lako Puang Allataala, namane' nti'pek-ti'pekki, anna benni anak gurun-Na nakua, “Batang kale-Ku' tee [to dipangkaroban, sanga kamu'. Pugaukki susi tee minii nningaranna'.”

Lukas 22:19 ပူးပေါင်းရင်းမြစ်များ

Daniel 2:38

Allataala mpupenjajiki' ngkuasai sininna tolino, takuasai too olok-olok na manuk-manuk. Kita'mo to dipangpasusii joo ulu patung jio mai bulawan.

Matius 14:19

Nasuami joo tobuda cumadokko jio reu malammak. Naalami joo lima roti na dua bale, anna mentingngara de' langi' mangkurru sumanga' lako Puang Allataala. Namane' nti'pek-ti'pekki joo roti, nabenni anak gurun-Na anna tawa-tawanni joo tobuda.

Matius 15:36

Naalami joo pitu roti sola bale'-bale', namangkurru sumanga' lako Puang Allataala. Mangkai joo too nati'pek-ti'pekmi joo roti sola bale, nabenni anak gurun-Na, anna tawa-tawanni joo tobuda.

Lukas 22:17

Mangkai joo too naalami Puang Isa joo isotan anggoro', namangkurru sumanga' lako Puang Allataala, namane' kumua, “Alai tee, misipalelei miiso'.

Lukas 22:20

Susi too tonna mangkamo kumande, nnalami isotan anggoro', nakua, “Ia tee isotan nanii titanan basse barun-Na Puang Allataala napaassah to'doan rara-Ku' to dipato'doan kamu'.]”

Lukas 24:30

Ia tonna cumadokko la kumande sola, nnalami roti Puang Isa, namangkurru sumanga' lako Puang Allataala, namane' nti'pek-ti'pekki joo roti natawanni.

Yahya 6:23

Apa ia joo wattu denmi ba'tu pira-pira lopi ratu jio mai kota Tiberias nakenden sikandoppi' to nanii mangka ngkurru sumanga' roti Puang Isa nakande tobuda.

Yahya 6:51

Aku'mo kande to mellao jao mai suruga, kande to naputuo tau. Ia to tongkandei tee kande, la tuo tarruhhi. Ia to kande la kuben tau lan lino naputuoi, iamo tee batang kale-Ku'.”

1 Korintus 10:16

Ia ke Kakumandean Maceroki', nniso'iki' cangkiri'-Na Puang tamangkurru sumanga' too lako Puang Allataala. Iamo tandana kumua mateki' sola Almaseh. Na takande tooi to mesa' roti ditawa-tawa. Iamo tandana kumua mesa'miriki' lan kale-Na Almaseh.

1 Korintus 10:4

sola nniso' to wai naben tooi Puang Allataala. Ia joo wai messun jio mai buntu batu to nasolan anna putuoi. Ia joo buntu batu, iamo Almaseh.

Galatia 1:4

Ia to Puang Isa mangka mpangben kalena dibuno situru' pakkaeloran-Na Ambe'ta' Puang Allataala, dikua anna dampanganki' to tomadosa, danggi'mo tatuo susi togaja' lan lino.

Galatia 4:25

Jaji, ia to Hagar dipasisanga Buntu Sinai jio tana Arab, to dipapadai kota Yerusalem too allo, sanga napukaunan atoran agama to to-Yerusalem.

Efesus 5:2

La sikamasean kamu' susi Almaseh ngkamaseiki', iamo na mpangkaroban kalena la mpasalama'ki'. Ia joo kamatean-Na susi karoba bunangngu' to napumasannang Puang Allataala.

1 Tesalonika 5:18

Mida'tan bang mangkurru sumanga' lako Puang Allataala moi apa jaji lako kalemi, nasaba' iamo nakadoangngi jio mai kalemi to tomesa' penawa sola Puang Isa Almaseh.

Titus 2:14

Mangkamo Ia mpangkaroban kalena la lla'bakki' jio mai sininna kagajatanta' napupenjajiki' umma'-Na to tangmadosa antatatta' too mpugauk kameloan.

1 Petrus 2:24

Almasehra Ia mperasai kamaparrisan jao kaju sitamben nasaba' dosata', antala'pah jio mai kuasa dosa, antaturu' too pakkaeloran-Na Puang Allataala. Napamalagahki' nasaba' kamaparrisan-Na Almaseh jao kaju sitamben.