Lukas 22:17 - Alkitab Duri

¹⁷ Mangkai joo too naalami Puang Isa joo isotan anggoro', namangkurru sumanga' lako Puang Allataala, namane' kumua, “Alai tee, misipalelei miiso'.

Lukas 22:17 ပူးပေါင်းရင်းမြစ်များ

Matius 14:19

Nasuami joo tobuda cumadokko jio reu malammak. Naalami joo lima roti na dua bale, anna mentingngara de' langi' mangkurru sumanga' lako Puang Allataala. Namane' nti'pek-ti'pekki joo roti, nabenni anak gurun-Na anna tawa-tawanni joo tobuda.

Matius 15:36

Naalami joo pitu roti sola bale'-bale', namangkurru sumanga' lako Puang Allataala. Mangkai joo too nati'pek-ti'pekmi joo roti sola bale, nabenni anak gurun-Na, anna tawa-tawanni joo tobuda.

Matius 26:26

Ia tonna kumandemo sola ngasan, naalami Puang Isa joo roti, namangkurru sumanga' lako Puang Allataala, namane' nti'pek-ti'pekki, nabenni anak gurun-Na, nakua, “Alai mikandei, batang kale-Ku' tee.”

Markus 14:22

Ia tonna kumandemo sola ngasan, naalami Puang Isa joo roti, namangkurru sumanga' lako Puang Allataala, namane' nti'pek-ti'pekki, anna benni anak gurun-Na nakua, “Alai mikandei, batang kale-Ku' tee.”

Lukas 22:19

Mangkai joo too, nnalami roti, namangkurru sumanga' lako Puang Allataala, namane' nti'pek-ti'pekki, anna benni anak gurun-Na nakua, “Batang kale-Ku' tee [to dipangkaroban, sanga kamu'. Pugaukki susi tee minii nningaranna'.”

Lukas 9:16

naalami Puang Isa joo lima roti na dua bale, anna mentingngara de' langi', mangkurru sumanga' lako Puang Allataala. Namane' nti'pek-ti'pekki joo roti sola bale, nabenni anak gurun-Na anna tawa-tawanni to tobuda.

Roma 14:6

Nasaba' ia to mpahangngi kumua den allo la'bih melo na ia to allo laenna, napugaukki susi joo anna pakala'bih Puang Allataala. Na ia to tote'da apa tangnakande, napugaukki susi joo anna pakala'bih Puang, nasaba' mangkurru sumanga' lakoi Puang Allataala. Ia to tomattantu kandena napugauk too susi joo.

1 Korintus 10:16

Ia ke Kakumandean Maceroki', nniso'iki' cangkiri'-Na Puang tamangkurru sumanga' too lako Puang Allataala. Iamo tandana kumua mateki' sola Almaseh. Na takande tooi to mesa' roti ditawa-tawa. Iamo tandana kumua mesa'miriki' lan kale-Na Almaseh.

1 Korintus 11:23

Ia to mangka kuajaran kamu', iamo to napabarakkananna' Puang kumua, ia joo bongi tonna dipangpejokkoan Puang Isa, nnalai roti,