Lukas 21:23 - Alkitab Duri

²³ Liwa' parri'na joo wattu to tokeba'tang sola to tomangpacucupa. La nadete'mi sussa tonggo tee tondok, nasaba' la napabalahhimi Puang Allataala tee bangsa.

Lukas 21:23 ပူးပေါင်းရင်းမြစ်များ

Daniel 8:19

Namangkada pole' Jibrail lako aku' nakua, “La kupauanko apa to la jaji ke la Kama'i lino, Napugaukki Allataala to kamabirisan la'da'na.

Matius 21:16

Nakua lako Puang Isa, “Tasa'dingraka apa napau tee mai pea'-pea'?” Mebalii nakua, “Kusa'ding. Te'daparaka mibacai lan Sura' Zabur to napau Raja Daud lako Puang Allataala kumua, ‘Ia to pea'-pea' sola to mane' jajinna mangkamo taajahhi la lantuk penawa mangpakala'bih’?”

Matius 21:41

Mebalimi tuu lako tau nakua, “La ratui mbuno ngasanni, namane' mpangpenduluanni joo bara'bahna lako tolaen, to wa'ding la mpangbenni lako ampu bara'bah to tawana unamo ia, ke wattunnami.”

Matius 21:44

Susi to totipessambak lako joo batu, la maicak, na ia to tonai'pinni, la maninnang, susi toomi la jaji lako tau to cia' ntarimana'.]”

Matius 24:19

Liwa' parri'na joo wattu to tokeba'tang sola to tomangpacucupa.

Markus 13:17

Liwa' parri'na joo wattu to tokeba'tang sola to tomangpacucupa.

Lukas 19:27

Na ia tee too, solanni mai sininna to tonnewalina', to cia' mpurajana', mibuno ngasanni jio oloku'.’ ”

Lukas 19:43

Nasaba' la ratu to allo kamacilakanmu, natalimbungko ewalimmu nnewako. Manggaraga tamba kuku ngguririkki kotamu mpasingki'ko, sanggenna te'damo mukullei ssalaii.

Lukas 23:29

Nasaba' den wattunna nakannai sussa tonggo tee kota Yerusalem, nakua to tau, ‘Gaja sannang ia to baine te'dapa naden nakeba'tang, to te'dapa naden naampui anak sola te'dapa naden nampacucu pea'-pea'!’

1 Korintus 7:26

Kupau kumua ia ke mipikkiri'i to kamaparrisan to naoloi tomatappa' tee too, kusanga la'biran ia, ke da'tanmo kamu' tuo susi tee too.

1 Tesalonika 2:16

Kannori naanggaikan mpangpeissenan karebanna Puang Isa lako bangsa tangngia to-Yahudi anna wa'ding dipasalama'. Susimi joo sakerangngan-rangnganna to dosana takkaliwa'mo budanna. Na katampakanna la nasessai Puang Allataala.

Ibrani 13:16

Danggi' mitangnningaranni mpugauk kameloan nasitulung, sanga iamo karoba napumasannang Puang Allataala.

Yakub 5:1

Ee, kamu' to tosugih! Pesa'dingngii tee pangpakainga'ku'. La kumarrak kamu', la mbating too kamu', sanga la disessa kamu'.

1 Petrus 4:17

La nadete'mi wattunna Puang Allataala la rra'tah kara-karana tolino. Ia to kita' umma'-Na Puang Allataala la nara'tah jolo to kara-karata'. Ia ke susimi joo, apa pole'pa la naperasai tuu lako tau to cia' ngkatappa'i to Kareba Kasalamatan jio mai Puang Allataala.