Lukas 20:47 - Alkitab Duri

⁴⁷ Nauraga bang to baine matemo muanena, narampai to ewananna. Naanggai' bang too mpemalandoi passambajangna to nanii mpembunianan panggaukan gaja'na. Ia to tosusi joo la la'bih mabanda' to sessana.”

Lukas 20:47 ပူးပေါင်းရင်းမြစ်များ

Amos 2:7

Napakario-rioi to tokaasi-asi na te'da too naangga'i lan kampongna. Ia to ambe' sola anakkana muane manggauk sala lako mesa' anaqdara. Ia joo panggaukanna ncarepai sangang-Ku'.

Matius 23:13

Nakua omo Puang Isa mpatarruh kadanna, “Macilaka kamu' to guru agama sola to-Farisi, nasaba' tomajekkong kamu'! Tangmieloran to tau menjaji umma'-Na Puang Allataala. Te'da mimadoang menjaji umma'-Na, na ia to tomadoang kannori mianggai. [

Matius 23:14

Macilaka kamu' to guru agama sola to-Farisi, nasaba' tomajekkong kamu'! Miuraga bang to baine matemo muanena, mirampai to ewananna. Mianggai' bang too mpemalandoi passambajangmi, to minii mpembunianan panggaukan gaja'mi. Iamo joo nala'bih mabanda' to sessami.]

Markus 12:40

Nauraga bang to baine matemo muanena, narampai to ewananna. Naanggai' bang too mpemalandoi passambajangna to nanii mpembunianan panggaukan gaja'na. Ia to tosusi joo la la'bih mabanda' to sessana.”

Lukas 12:1

Ia joo wattu sirempunmi massa'bu-sa'bu to tau madoang ngkita Puang Isa. Nasisi'pin-si'pin ntalimbungngi to Puang Isa anna den to disilesei ajena. Napamulami Puang Isa nnajahhi anak gurun-Na nakua, “Majaga kamu' jio mai raginna to-Farisi. Ia to kusanga iamo to kamajekkonganna.

Lukas 20:46

“Majaga kamu' lako guru agama! Nakabudai bang male lumingka mangbaju lando tandana kumua todikasiri', namadoang bang ditaratte' jio pasa'. Nakabudai bang cumadokko jio olo lan bola passambajangan na ngenan kata'pan mata jio pangramean.

Lukas 21:1

Nakitami Puang Isa to tosugih mpatama sudakkana tama patti doi' sudakka lan Bola Puang Allataala.

1 Tesalonika 2:5

Miissen kumua tangngiakan tomassede, iarika to mbunianan kamu' tangngah gaja' kumua den lan penawangki' madoang sumaro. Puang Allataala ngkitakan!

Titus 1:16

Mangngakui kumua nnissen Puang Allataala, apa sitonganna diissen kumua mangnguragai nasaba' te'da naturu' pakkaeloran-Na Puang. Meko'dosan na cia'i nturu' Puang. Te'da bang nakullei mpugaukki to disanga melo.

Yakub 3:1

Ee, tomala'bihku'! Danggi' mimadoang ngasan bang menjaji guru jamaa. Nasaba' miissen kumua ia to kita' menjaji guru la'bih la dipemaparessaiki' na ia to tangngia guru.