Lukas 20:17 - Alkitab Duri

¹⁷ Apa nakaje'jekki Puang Isa nakuanni, “Ia ke susii joo, apara battuananna tee aya' lan Sura' Allataala kumua, ‘Ia to batu naca'bean pande bola, menjajimo batu ariri petuo.’

Lukas 20:17 ပူးပေါင်းရင်းမြစ်များ

Matius 21:42

Nakuamo Puang Isa lako, “Tantu denmo mibacai lan Sura' Allataala to mpauna' kumua, ‘Ia to batu naca'bean pande bola menjajimo batu ariri petuo. Iamo tee panggaukan-Na Puang Allataala to kaminang melo.’ ”

Markus 10:23

Nakita silelemi Puang Isa to tobuda, namane' ngkuan anak gurun-Na, “Gaja sussa ia to tosugih la menjaji umma'-Na Puang Allataala.”

Markus 12:10

Tantu denmo mibacai tee aya' lan Sura' Allataala to mpauna' kumua, ‘Ia to batu naca'bean pande bola, menjajimo batu ariri petuo.

Markus 3:5

Nakita mengguririkmi Puang Isa tuu lako tau na magalli, apa masse tooi penawan-Na, nasaba' totangmangpesa'ding ngasanni. Nakuanni joo tomate sangbali limanna, “E'te'i tuu limammu!” Nae'te'mi to limanna, namelo pole'mo.

Lukas 19:41

Ia tonna mandoppi'mo nakitami joo kota Yerusalem, nakarrakkii,

Lukas 22:37

Pugaukki joo, nasaba' la jajimo tee too to diuki' lan Sura' Allataala, to mpauna', nakua, ‘Dikita togaja'i.’ ”

Lukas 22:61

Messailemi Puang Isa nakitai to Petrus. Naingaranmi Petrus to apa mangka nakuanni Puang Isa, “Te'dapa nakekkua to manuk tee bongi, mupentallunmo mpessakkannina'.”

Lukas 24:44

Ia tonna mangkamo joo, nakuamo Puang Isa lako anak gurun-Na, “Iamora tee to pura kupauan kamu' tontasola unapa, kumua sininna to pangnguki' mpauna' lan sura'na Nabi Musa, nabi laen, na Pangpujian, nang la jajinna ia.”

Yahya 15:25

Apa nang la susimi ia joo anna jaji to diuki' lan sura'na Nabi Musa kumua, ‘Nakaba'cina', moiraka nate'da kupugauk dosa.’

Jamanna Rasulu' 4:11

Puang Isamo to nasanga tee aya' lan Sura' Allataala kumua, ‘Ia to batu mica'bean to kamu' pande bola, menjajimo batu ariri petuo.’

Efesus 2:20

Susimo kamu' bola to dipajenjen jao pangrante mangka narantei rasulu' sola nabi, na Puang Isa Almasehmo to batu aririnna.

1 Petrus 2:6

Nasaba' den diuki' lan Sura' Allataala, nakua Puang kumua, “Mangkamo' mpilei mesa' batu ariri keangga' to kupajio kota Sion menjaji batu ariri petuo. Na ia to tongkatappa'ii, te'da naladipakasiri'.”