Lukas 2:49 - Alkitab Duri

⁴⁹ Napebalimi Puang Isa nakua, “Oo, miangahna' pale'? Te'daraka miissenni kumua ia tee Aku' la jiona' bola-Na Ambe'-Ku' torro?”

Lukas 2:49 ပူးပေါင်းရင်းမြစ်များ

Matius 21:12

Mentamami rante Bola Puang Allataala to Puang Isa naula'ii to tomangbaluk sola tomangngalli lan. Nabalittua' simesa'i to meja nanii tompasitongka doi' sola cadokkoan pangbaluk jangan-jangan.

Lukas 2:48

Moi to tomatuan-Na jangngah toda ngkitai. Nakuanmi indona nakua, “Ee mane, ammupasusirakan tee? Selang tonganmokan male nnangahko!”

Yahya 4:34

Nakua omo Puang Isa, “Ia to kande-Ku', iamo to nturu' pakkaeloran-Na Puang Allataala angkumangkai tooi to jaman nasuanna'.

Yahya 5:17

Apa nakua Puang Isa ngkuanni, “Ratu lako too allo mangjama tarruh to Ambe'-Ku', jaji moi Aku' mangjama tarruh todana'.”

Yahya 5:36

Apa den ia la'bih matonggo ntongananna' na ia to kadanna Nabi Yahya. Iamo to jaman napangparentan Ambe' lako Aku' la kumangkai, ia toomo ssa'bii kumua Ambe'-Ku' to ssuana'.

Yahya 6:38

Sanga mellaona' jao mai suruga, tangngia kumua pakkaeloran-Ku' la kupugauk, apa pakkaeloran-Na Ambe'-Ku' to ssuana'.

Yahya 8:29

Na iamo joo Ambe'-Ku' to ssuana', nasolan bangna'. Te'da nasalaina', nasaba' tuli kupugauk to napumasannang.”

Yahya 9:4

Ianna allo unapa, la tajamai to jaman-Na to tossuana'. Ia ke bongimi, moi mesa' tau te'damo ngkullei mangjama.