Lukas 18:17 - Alkitab Duri

¹⁷ La miingaran tee kadang-Ku' kumua, ia to tote'da nasusi to pea biccu' ntarimai to kaparentan-Na Puang Allataala, te'da nalamenjaji umma'-Na Puang Allataala.”

Lukas 18:17 ပူးပေါင်းရင်းမြစ်များ

Matius 18:3

Nakua, “La miingaran tee kadang-Ku' kumua, ia ke te'da mipatorro sipa' jolomi, ammisusi pea, te'da milamenjaji umma'-Na Puang Allataala.

Matius 19:14

Apa nakuanni Puang Isa, “Eloranni tuu mati' pea ratu lako Aku'. Danggi' mianggaii, nasaba' tosusimora tuu mati' to la menjaji umma'-Na Puang Allataala.”

Markus 10:15

La miingaran tee kada kupauan kamu' kumua, ia to tote'da nasusi pea biccu' ntarimai to kaparentan-Na Puang Allataala, te'da nalamenjaji umma'-Na Puang Allataala.”

Lukas 18:16

Apa nasua ori Puang Isa to tau ssolanni joo pea lako kalena, anna kuanni to anak gurun-Na, “Eloranni tuu mati' pea ratu lako Aku'. Danggi' mianggaii, nasaba' tosusimora tuu mati' to la menjaji umma'-Na Puang Allataala.

1 Korintus 14:20

Ee, tomala'bihku' sola ngasan! Danggi' mimangtangngah susi tote'da apa naissen. Sibalikanna la mangtangngah susira kamu' tomasaranianmo. Apa ianna kagajatan, la da'tan kamu' susi tote'dapa apa naissen.

1 Petrus 1:14

Napuanakmo kamu' Puang Allataala. Iamo joo la da'tan kamu' mengkaturu' lako kale-Na, nadanggi'mo mituru' pole' oi to kamadoangan gaja'mi to ngkuasai kamu' tonna te'dapa miissenni to Puang Allataala.

1 Petrus 2:2

Apa la susira kamu' topea'-pea' mane' jaji to tuli mawakke bang madoang nniso' dadik massang, iamo to kadan-Na Puang Allataala. Na ia ke mipesa' tonganni to kadan-Na Puang Allataala, la masaranianmo kamu' ammisalama'.