Lukas 18:14 - Alkitab Duri

¹⁴ La miingaran! Ia tee passassung, ke polei lako bolana, mangkami napupenjaji tomelo Puang Allataala, na ia tee to-Farisi te'da. Nasaba' ia to tompamajao kalena la dipamajiong, apa ia to tompamajiong kalena, la dipamajao.”

Lukas 18:14 ပူးပေါင်းရင်းမြစ်များ

Kada Bulawan 15:33

Ngkalaja' ngkasiri' Puang Allataala, iamo garonto'na pangpangngajah to mepamacca. na ia ke madoangki' diangga' mpamajiongki' penawanta'.

Kada Bulawan 18:12

Ia to tomatampo mparatuan kamasolangan kalena, apa ia to tompamajiong penawanna ditaratte'.

Kada Bulawan 25:7

La'bih melo ke nakuanki' tau “Nteeki' cumadokko,” na ia ke ta'pa cumadokko bangki', tadipakasiri' jio olona tomapangka'. Ia ke te'da mukanassa tonganni to kara-kara,

Kada Bulawan 29:23

Ia to tomatampo nakita soloh tau apa tompamajiong penawanna la dipuji.

Kada Bulawan 3:34

Nacapa' Puang Allataala to topacapa', apa Napakamoja' to tompamajiong penawanna.

Daniel 4:37

Iamo tee too, ia tee aku' Nebukadnezar, mpujimo', sola mpakala'bihmo' Raja Suruga. Ia to sininna panggaukan-Na tongan na ia to lalan-Na maruruh, na mangka too mpamajiong tomatampo.”

Matius 23:12

Ia to tompamajao kalena la dipamajiong, na ia to tompamajiong kalena la dipamajao.”

Matius 5:3

“Masannang to tau nnissenan kalena kumua tangpakulle na lako manda Puang Allataala nanii sande', nasaba' ia to tau susi joo umma'-Na Puang Allataala.

Lukas 1:52

Napamajiong to raja, anna te'damo namangparenta, Napaendek tuka'i to tokai'da'-i'da'.

Lukas 10:29

Apa cia'i masiri' joo guru agama, namekutana nakua, “Indara to padangku' rupa tau?”

Lukas 14:11

Nasaba' ia to tompamajao kalena la dipamajiong, apa ia to tompamajiong kalena la dipamajao.”

Lukas 16:15

Apa nakua Puang Isa lako, “Mianggai' bangra melo jio olona tau, apa naissen Puang Allataala to lan penawammi. Nasaba' apa to nasanga tolino mala'bih, nakaba'ci Puang Allataala.

Roma 3:20

Te'da ia tau napupenjaji tomelo Puang Allataala, ke mpugaukki atoran agama. Sibalikanna ia to atoran agama napakitanriki' to dosata'.

Roma 4:5

Apa ia to kasiumputanta' sola Puang Allataala, to mpupenjaji meloi to tomadosa, te'da nasusi joo, te'da namenggaronto' lako panggaukanta'. Ia to tomadosa to te'da napattuan panggaukan melona, apa napattuan lakori Puang Allataala, dipupenjaji tomelo, sanga kamatapparanna.

Roma 5:1

Napupenjaji tomeloki' Puang Allataala, nasaba' kamatapparanta'. Iamo joo tasikalino pole'mo Puang Allataala. Sininna tee jaji, nasaba' Puangta' Puang Isa Almaseh.

Roma 8:33

Te'da ia tau ngkullei la mparapa'ki' to tonapileimo Puang Allataala, sanga Puang Allataala ngkuanki' kumua tote'da salata'.

Galatia 2:16

Moi nasusi joo, kiissen kumua te'da tau napupenjaji tomelo Puang Allataala, sanga mpugaukki atoran agama, apa kamatapparannara lako Puang Isa Almaseh. Susimi joo angkimatappa'mo lako Puang Isa Almaseh, dikua angkidipupenjaji tomelo, tangngia sanga mpugaukkan atoran agama. Te'da mesa' tau dipupenjaji tomelo, nasaba' mpugaukki atoran agama.

Yakub 4:10

Danggi' mimatampo jio olo-Na Puang, anna pamatande kamu'.

Yakub 4:6

Moi nasusi joo, la'bih makuasa ia to pammase-Na Puang Allataala na ia to kamadoangan penawanta'. Iamo joo naden too diuki' lan Sura' Allataala kumua, “Naewa Puang Allataala to tomatampo, apa nakamasei to tompamajiong kalena.”