Lukas 17:29 - Alkitab Duri

²⁹ Apa ia tonna salaimi Lot to kota Sodom, ratumi to uran api na colo' jao mai langi', ssolangngi ngasanni joo tau.

Lukas 17:29 ပူးပေါင်းရင်းမြစ်များ

Amos 4:11

Mangkada-I Puang Allataala Nakua, “Mangkamo kamu' pira' Kulanynya'i susi tong-Kulanynya'i to to-Sodom na to-Gomora sola kotana. Na ia to tuo unapa lan alla'mi susimira to tampak kaju nasesa api to diala lan mai dapoh. Na moi nasusimo joo, te'da unapa mibalik lako Aku'.” Susimi joo kadan-Na PUANG Allataala.

Lukas 17:28

Susi to jaji tonna linona Lot. Mangmaroah-roah bang to tau, mangngalli sola mangbaluk, mantanan sola mpajenjen bola.

Lukas 17:30

Susi toomi to la jaji, ke ratu pole'na' tee Aku', Anak Mentolino.

2 Petrus 2:6

Susi too nasessai Puang Allataala to-Sodom na to-Gomora tonna anu', nasaba' tangmangpesa'dingngi. Nasumpunni to kotana anna au mandamora torro. Iamo joo menjaji tanda kumua apa to la jaji lako togaja'.

Yudas 1:7

Ingaran tooi to tau torro jio kota Sodom na Gomora, sola tau jio kota mengguririkkina, napugauk todai susi to napugauk joo malaeka'. Ia tuu lako tau manggauk sala, nakabudai sigauk sala padanna muane ba'tu padanna baine, anna rabunnii Puang Allataala joo kota nakandei api sola to tau torro lan. Ia joo pangsessa susi joo menjaji pangpakainga' lako sininna tau, sanga susii to sessana api naraka dukku te'da cappa'na.

Pengkitanna Yahya 11:8

Na ia to batang rabukkuna situlambenan jio lalan tonggona kota to dinii mpampang Puangna. Ia joo kota situru' pahang agama disanga too Sodom ba'tu Mesir.

Pengkitanna Yahya 14:10

la nniso' anggoro' kamabirisan-Na Puang to mangkamo diballuan tama isotan kamabirisan-Na to tangdirau wai moi ci'di'. Battuananna la disessa joo tau lan api manglanya-lanya jio olona Anak Bembala' sola malaeka'-Na Puang.

Pengkitanna Yahya 19:20

Apa ditalomi anna dijokko joo olok-olok sola nabi tangtongan, namane' dipembuangan tuo tama api colo' manglanya-lanya. (Ia to nabi tangtongan iamo to mangka mpugauk tanda makalaen-laen jio olona joo olok-olok. Ia joo tanda napake joo olok-olok mpalao sala tau to den tandana joo olok-olok jio kalena na ssompa tooi joo tau-taunna.)