Lukas 17:26 - Alkitab Duri

²⁶ Ia ke wattunnamo' ratu pole' tee Aku', Anak Mentolino, la susi tonna linona Nabi Nuh tonna anu'.

Lukas 17:26 ပူးပေါင်းရင်းမြစ်များ

Lukas 17:22

Nakuamo Puang Isa lako anak gurun-Na, “Den wattunna mimadoang ngkitana' Aku', Anak Mentolino, moi sangngallo, apa te'da milangkitana'.

Lukas 17:24

Nasaba' ia to karatuan-Ku' pole', tee Aku', Anak Mentolino, la susi kila' mellepa' jao mai langi', namangngarrang jio mai randan langi' ratu lako randan langi'.

Lukas 17:27

Ia to tau mangmaroah-roah bang, nakebaine-kemuane. Susi tarruhmi joo ratu lako mentamanna kappala'na Nabi Nuh, anna ratu to wai saba' ssolangngi ngasanni.

Lukas 17:7

Nakuapa Puang Isa, “Ia ke nnampui kamu' mesa' kaunan to manengko ba'tu mangrewa, apara mikuanni ke polei mangjama? Mikuanrika, ‘Malemoko madoi' kumande!’?

Lukas 18:8

La miingaran! La madoi'i Ia ntulungngi. Apa ia ke ratuna' Aku', Anak Mentolino, la den unaraka tau kuampa' lan tee lino to matappa' lako kaleku'?”

Ibrani 11:7

Napugaukki Nabi Nuh to apa nasuanni Puang Allataala, sanga matappa'i. Napauanni Puang Allataala apa to la jaji to te'dapa nakitai. Mengkaturu'i Nabi Nuh lako Puang Allataala anna kabua' mesa' kappala' dikua napasalama'i sintong repokkona. Susimi joo tonna disessamo to tolino, apa ia to Nabi Nuh napupenjaji tomelo Puang Allataala, sanga matappa'i.

2 Petrus 2:5

Susi toomi to totangmangpesa'ding to wattu pura diboko' te'da nalatangssessai Puang Allataala. Ia to lino jolo nasolanganni wai saba' anna mate sininna tau to cia' matappa'. Nabi Nuh mandara sola pitu repokkona dipasalama'. Ia to Nabi Nuh mpangpeissenanni pakkaeloran-Na Puang Allataala.

2 Petrus 3:6

Na ia joo wai, tonna wai saba' la'da', napake Puang Allataala ssabu'ii joo lino jolo.