Lukas 17:1 - Alkitab Duri

¹ Nakua Puang Isa lako anak gurun-Na, “Nang la den to tossede tau mpugauk dosa. Apa macilaka joo tomassede.

Lukas 17:1 ပူးပေါင်းရင်းမြစ်များ

Matius 16:23

Apa messailei Puang Isa nakuanni to Petrus, “Ee, Ballisi', palai laloko ntee! La mutumangna', nasaba' ia to pikkirisanmu, pikkirisan tolino ia, tangngia pikkirisan jio mai Puang Allataala.”

Matius 18:7

Na liwa' macilakanna to tolino, to tompalao sala padanna rupa tau. La den bang ia to tomangpalao sala, apa macilaka to tau susi joo.

Lukas 16:31

Apa nakua Nabi Ibrahim lako, ‘Ia ke te'da napesa'dingngii to sura'na Nabi Musa sola nabi laen, umbora la nakua mpesa'dingngii kenna la den tomate tuo pole' la male mpakainga'i.’ ”

Roma 14:13

Iamo joo, danggi' tasipasala melako. La'bih melo ia ke tapengkullei anna danggi' tapugauk dosa to napusaba' na padanta' tomatappa' mpugauk toda dosa.

Roma 16:17

Ee, tokupusile'to! Kupakainga' kamu', majaga kamu' lako to mpaden bang kasisakkan, na mpaputta kamatapparan lako Puang Allataala. Ia to pangngajaranna sisala to pura diajaran kamu'. Danggi' misiama'.

1 Korintus 10:32

Danggi' na panggaukanmi napusaba'i tolaen madosa, la to-Yahudi, la bangsa tangngia to-Yahudi, iarika jamaa-Na Puang Allataala.

1 Korintus 11:19

Sitonganna te'da namejangngaran ke susii joo, napajan kumua indannara kamu' tomatappa' tongan.

1 Korintus 8:13

Iamo joo na ia ke la kandera napumadosa padangku' tomatappa', la'biran danggi' lalomo kukande juku'.

1 Timotius 4:1

Napamanassai Roh Allataala kumua, ia to wattu la dioloi lako, den ba'tu pira-pira tau la mentangmatappa' pole' lako Puang Isa Almaseh. Ia tuu lako tau la menturu' lako roh mangpalao sala na nturu' pangngajaranna setang.

Pengkitanna Yahya 2:14

Apa moi nasusi joo, den unapa tangkupumasannang lako kamu'. Den kamu' ba'tu pira-pira tonturu' pangngajaranna Bileam to nnajahhi Balak mpalao sala to-Israel nakandei to apa mangka dipassompan lako dewata, napugauk tooi to gauk mesirisan.

Pengkitanna Yahya 2:20

Apa den unapa to tangkupumasannang lako kamu'. Mieloran Isebel to baine ssanga kalena nabi mangngajahhi. Ia joo pangngajahna budamo taung-Ku' napalao sala arannai manggauk sala, nakandei to apa mangka dipassompan lako dewata.