Lukas 15:29 - Alkitab Duri

²⁹ Apa mangkadai nakua, ‘Ee Ambe', mangtaun-taunmo masainna kunii tangnnissen bo'jo' mpangjaman ambe'. Te'dapa naden kutangnturu' parentana Ambe'. Na te'da bangpara apa tabenna'! Moi mesa' anak beke te'da bangpa tabenna' kupake mangmaroah-roah sola soba'ku'!

Lukas 15:29 ပူးပေါင်းရင်းမြစ်များ

Matius 20:12

‘Ia tee mai to mentama tatte' lima, sangjangra ia mangjama. Na ia tee kami' mangjama mabanda'kan siupuh allo nala'da' toopakan allo, na la pada bang una ia dibenkan!’

Lukas 15:28

Gaja birihhi joo anak pamungah, nacia' mentama bola, anna messun to ambe'na ssedei namentama bola.

Lukas 15:30

Apa ia joo anakkana Ambe' to mane' ratu namangka ncappu'i ewananna Ambe' male maningo sola baine bandarang, nageresan una ia Ambe' anak sapin malompo!’

Lukas 15:7

Katappa'i kumua, susi toomi joo den kamarioan la'bih matonggo jao suruga, ke den mesa' tomadosa mengkatoba', na ia to kamarioan nasaba' kasera pulona kasera tomelo, to te'da naparallu mengkatoba'.”

Lukas 17:10

Susi toomo kamu', danggi' mitajan pangpujian. Apa ia ammimangkamo mpugaukki to nasuan kamu' Puang Allataala, la mikua, ‘Kaunan biasa bangrakan, ia manda kipugauk to disuankan.’ ”

Lukas 18:9

Den pangpasusian napau Puang Isa napatuju lako tossanga bang kalena melo, na ngkita majiong bang padanna rupa tau.

Lukas 19:21

nasaba' malaja'na' lako kaleta', sanga kita'mo tau masa'ga'na. Nnala bangki' kita' to tangngia pangngannata', na mpeburaiki' apa tangngia pantananta'.’

Roma 10:3

Te'da napahangngi na te'da natarimai umbo nakua Puang Allataala mpupenjaji tomeloi to tolino. Apa napengkullei mpupenjaji tomelo kalena.

Roma 3:20

Te'da ia tau napupenjaji tomelo Puang Allataala, ke mpugaukki atoran agama. Sibalikanna ia to atoran agama napakitanriki' to dosata'.

Roma 3:27

Iamo joo moi taturu' ngasanni to atoran agama, te'da talampumajao penawai. Ciapari nasusi joo? Nasaba' te'da tadipupenjaji tomelo sanga nturu'ki' atoran agama, apa kamatapparanta'ra.

Roma 7:9

Ia tonna jolona te'da kuissen atoran agama. Apa ia tongkuissenmi, napamulamo' napukaunan kuasa dosa,

Pengkitanna Yahya 2:17

Ia to tomangpesa'ding la naingaran to apa napau Roh Allataala lako jamaa. Na ia to topatalo la kueloran ngkande manna to tangdikita sola la kuben batu mabusa to kuuki'imo sanga baru to te'da naissenni tau laen mbacai, apa ia manda to tokuben.”

Pengkitanna Yahya 3:17

Mangkada kamu' kumua, ‘Sugihna', te'damo apa tangkuampui.’ Apa te'da miissenni kumua kamu'mo tau masussanna, memassean penawa, makario-rio, buta, na mimangkale-kale.